Jeremia 52:1-34

  • Zedekia rebelohet kundër Babilonisë (1-3)

  • Nabukodonosori rrethon Jerusalemin (4-11)

  • Shkatërrimi i qytetit dhe i tempullit (12-23)

  • Popullin e çojnë në mërgim në Babiloni (24-30)

  • Jehojakinin e lirojnë nga burgu (31-34)

52  Zedekia+ ishte 21 vjeç kur u bë mbret dhe mbretëroi 11 vjet në Jerusalem. Nëna e tij quhej Hamitala+ dhe ishte vajza e Jeremisë nga Libnahu.  Ai bëri atë që ishte e keqe në sytë e Jehovait, tamam si kishte bërë Jehojakimi.+  E gjithë kjo ndodhi në Jerusalem dhe në Judë për shkak të zemërimit të Jehovait, derisa ai i flaku larg vetes.+ Dhe Zedekia u rebelua kundër mbretit të Babilonisë.+  Vitin e 9-të të mbretërimit të Zedekisë, muajin e 10-të, ditën e 10-të të muajit, Nabukodonosori,* mbreti i Babilonisë, erdhi kundër Jerusalemit bashkë me gjithë ushtrinë e vet. Ata e ngritën kampin për të luftuar kundër qytetit dhe ndërtuan një mur rrethues përqark tij.+  Qyteti mbeti i rrethuar deri në vitin e 11-të të mbretërimit të Zedekisë.  Ditën e 9-të të muajit të 4-t,+ zia e bukës në qytet u rëndua aq sa nuk pati fare ushqim për popullin e vendit.+  Më në fund muri i qytetit u ça dhe të gjithë ushtarët ia mbathën natën. Kaluan nga porta që gjendej në murin e dyfishtë pranë kopshtit të mbretit, ndërkohë që kaldeasit kishin rrethuar qytetin. Ata ikën në drejtim të Arabahut.+  Por ushtria kaldease u vu në ndjekje të mbretit dhe e zuri Zedekinë+ në rrafshinat e shkreta të Jerikosë. Të gjitha forcat e tij ushtarake ishin shpërndarë.  Pastaj kaldeasit e kapën dhe e çuan te mbreti i Babilonisë në Riblah, në vendin e Hamathit, ku ai e dënoi. 10  Mbreti i Babilonisë ia theri djemtë Zedekisë para syve, e në Riblah theri edhe tërë princat e Judës. 11  Pastaj mbreti i Babilonisë e verboi Zedekinë,+ e lidhi me vargonj prej bakri dhe e çoi në Babiloni. Atje e futi në burg, ku e la deri ditën e vdekjes. 12  Ditën e 10-të të muajit të 5-të, pra, vitin e 19-të të mbretërimit të Nabukodonosorit,* mbretit të Babilonisë, në Jerusalem erdhi Nebuzaradani, kreu i rojës, që i shërbente mbretit të Babilonisë.+ 13  Ai dogji shtëpinë e Jehovait,+ shtëpinë e mbretit* dhe gjithë shtëpitë e Jerusalemit. Gjithashtu i vuri zjarrin çdo shtëpie madhështore. 14  Mbarë ushtria kaldease që ishte me kreun e rojës, rrëzoi gjithë muret rreth e qark Jerusalemit.+ 15  Nebuzaradani, kreu i rojës, çoi në mërgim disa nga njerëzit e varfër të popullit dhe ata që kishin mbetur në qytet, tradhtarët që kishin kaluar në anën e mbretit të Babilonisë dhe pjesën e mbetur të kryemjeshtërve.+ 16  Por Nebuzaradani, kreu i rojës, i la disa nga njerëzit më të varfër të vendit që të shërbenin si vreshtarë dhe si punëtorë për punë të detyruar.+ 17  Kaldeasit bënë copë-copë shtyllat prej bakri+ në shtëpinë e Jehovait, si edhe karrocat+ dhe Detin prej bakri+ që ishin në shtëpinë e Jehovait; tërë bakrin e tyre e çuan në Babiloni.+ 18  Ata morën edhe kovat, lopatat, fikësit, taset,+ kupat+ dhe gjithë pajisjet prej bakri që përdoreshin për shërbimin në tempull. 19  Kreu i rojës mori legenët,+ mbajtëset e zjarrit, taset, enët, shandanët,+ kupat dhe taset për flijimet, të cilat ishin prej ari të kulluar dhe prej argjendi të pastër.+ 20  Sasia e bakrit të dy shtyllave, të Detit, të 12 demave prej bakri+ që ishin poshtë Detit dhe të karrocave, që kishte bërë mbreti Solomon për shtëpinë e Jehovait, ishte kaq e madhe sa nuk e peshonin dot. 21  Secila shtyllë ishte e lartë 18 kute* dhe për ta matur rreth e qark, nevojitej një litar prej 12 kutesh.+ Trashësia e bakrit të secilës shtyllë ishte katër gisht,* dhe ishte bosh përbrenda. 22  Kapiteli* mbi të ishte prej bakri dhe ishte pesë kute i lartë.+ Rrjeta dhe shegët rreth e përqark kapitelit ishin të tëra prej bakri. Shtylla e dytë ishte po njësoj, si edhe shegët. 23  Shegët që shiheshin, ishin 96. Tërë shegët rreth e qark rrjetës ishin 100.+ 24  Kreu i rojës mori edhe kryepriftin Serajah,+ priftin e dytë, Sofoninë,+ dhe tre derëtarët.+ 25  Nga qyteti mori një zyrtar oborri që ishte komandanti i ushtarëve, shtatë shoqërues të ngushtë të mbretit, të cilët gjendeshin në qytet, sekretarin e kreut të ushtrisë, i cili mobilizonte popullin e vendit, dhe 60 burra nga njerëzit e thjeshtë që ndodheshin ende në qytet. 26  Nebuzaradani, kreu i rojës, i mori dhe i çoi te mbreti i Babilonisë në Riblah. 27  Mbreti i Babilonisë i vrau ata në Riblah,+ në vendin e Hamathit. Kështu, Juda mërgoi larg vendit të vet.+ 28  Ky është numri i njerëzve që Nabukodonosori* çoi në mërgim vitin e shtatë të mbretërimit të vet: 3.023 judenj.+ 29  Në vitin e 18-të të mbretërimit të Nabukodonosorit,*+ nga Jerusalemi morën 832 veta. 30  Në vitin e 23-të të mbretërimit të Nabukodonosorit,* Nebuzaradani, kreu i rojës, çoi disa judenj në mërgim, 745 veta.+ Gjithsej u çuan në mërgim 4.600 veta. 31  Në vitin që u bë mbret i Babilonisë, Evil-Merodaku e nxori nga burgu* Jehojakinin, mbretin e Judës.+ Kjo ndodhi vitin e 37-të të mërgimit të Jehojakinit,+ mbretit të Judës, muajin e 12-të, ditën e 25-të të muajit. 32  Ai e trajtoi mirë, dhe fronin e tij e vuri më lart se fronet e mbretërve që ishin me të në Babiloni. 33  Kështu Jehojakini hoqi rrobat e burgut, e gjatë gjithë jetës hëngri në tryezën e mbretit. 34  Mbreti i Babilonisë i dha një racion ushqimi përditë, deri ditën e vdekjes, po, gjatë gjithë jetës së tij.

Shënime në fund të faqes

Fjalë për fjalë «Nabukodrezari», një variant tjetër i këtij emri.
Fjalë për fjalë «Nabukodrezarit», një variant tjetër i këtij emri.
Ose «pallatin mbretëror».
Një kut ishte 44,5 cm. Shih Shtojcën B14.
Një gisht ishte 1,85 cm. Shih Shtojcën B14.
Fjalë për fjalë «Nabukodrezari», një variant tjetër i këtij emri.
Fjalë për fjalë «Nabukodrezarit», një variant tjetër i këtij emri.
Fjalë për fjalë «Nabukodrezarit», një variant tjetër i këtij emri.
Fjalë për fjalë «ia ngriti kokën».