Zaburi 9:1-20
Kwa kiongozi; juu ya Muth-labeni.* Muziki wa Daudi.
א [Aleph]
9 Nitakusifu, Ee Yehova, kwa moyo wangu wote;Nitasimulia kuhusu kazi zako zote zinazostaajabisha.+
2 Nitafurahi na kushangilia kwa sababu yako;Nitaliimbia sifa* jina lako, Ee Uliye Juu Zaidi.+
ב [Beth]
3 Maadui wangu wanapokimbia,+Watajikwaa na kuangamia kutoka mbele zako.
4 Kwa maana unatetea njia yangu ya haki;Unaketi kwenye kiti chako cha ufalme ukihukumu kwa uadilifu.+
ג [Gimel]
5 Umeyakemea mataifa+ na kuwaangamiza waovu,Na hivyo kulifuta jina lao milele na milele.
6 Maadui wameangamizwa milele;Uliyang’oa majiji yao,Na kumbukumbu lote kuwahusu litatoweka.+
ה [He]
7 Lakini Yehova ameketi kwenye kiti cha ufalme milele;+Amekiimarisha kabisa kiti chake cha ufalme kwa ajili ya haki.+
8 Ataihukumu kwa uadilifu dunia inayokaliwa;+Atayahukumu mataifa kwa kutoa maamuzi ya uadilifu.+
ו [Waw]
9 Yehova atakuwa kimbilio salama* kwa wanaokandamizwa,+Kimbilio salama katika nyakati za taabu.+
10 Wale wanaolijua jina lako watakutumaini wewe;+Hutawaacha kamwe wale wanaokutafuta, Ee Yehova.+
ז [Zayin]
11 Mwimbieni sifa Yehova, anayekaa Sayuni;Tangazeni matendo yake miongoni mwa mataifa.+
12 Kwa maana Yule anayelipiza kisasi kwa ajili ya damu yao anawakumbuka;+Hatasahau kilio cha wanaoteseka.+
ח [Heth]
13 Nionyeshe kibali, Ee Yehova; angalia ninavyoteswa na wale wanaonichukia,Wewe unayeniinua kutoka katika malango ya kifo,+
14 Ili nitangaze katika malango ya binti ya Sayuni matendo yako yanayostahili sifa,+Na kushangilia kwa sababu ya matendo yako ya wokovu.+
ט [Teth]
15 Mataifa yamezama chini katika shimo walilochimba;Mguu wao wenyewe umenaswa katika wavu waliouficha.+
16 Yehova anajulikana kwa hukumu anazotekeleza.+
Mwovu amenaswa katika kazi za mikono yake mwenyewe.+
Higayoni.* (Sela)
י [Yod]
17 Waovu watageuka na kuelekea Kaburini,*Mataifa yote yanayomsahau Mungu.
18 Lakini maskini hawatasahauliwa daima;+Wala tumaini la wapole halitapotea kamwe.+
כ [Kaph]
19 Inuka, Ee Yehova! Usiache mwanadamu anayeweza kufa ashinde.
Mataifa na yahukumiwe mbele zako.*+
20 Wapige kwa woga, Ee Yehova,+Acha mataifa yajue kwamba wao ni wanadamu tu wanaoweza kufa. (Sela)
