Zaburi 90:1-17
Sala ya Musa, mtu wa Mungu wa kweli.+
90 Ee Yehova, umekuwa makao yetu*+ katika vizazi vyote.
2 Kabla milima haijazaliwaAu kabla hujaiumba* dunia na nchi inayozaa,+Tangu milele hadi milele, wewe ni Mungu.+
3 Unamfanya mwanadamu anayeweza kufa arudi mavumbini;Unasema: “Rudini, enyi wanadamu.”+
4 Kwa maana miaka elfu moja machoni pako ni kama siku ya jana ambayo tayari imepita,+Kama kesha moja tu la usiku.
5 Unawafagilia mbali;+ wanakuwa kama usingizi tu;Asubuhi, wao ni kama majani yanayochipuka.+
6 Asubuhi yanachanua maua na kusitawi,Lakini ifikapo jioni yamenyauka na kukauka.+
7 Kwa maana tumemezwa na hasira yako+Na kutishwa na ghadhabu yako.
8 Unayaweka makosa yetu mbele zako;*+Siri zetu zinafichuliwa na nuru ya uso wako.+
9 Siku zetu zinadidimia* kwa sababu ya ghadhabu yako;Na miaka yetu hufikia kikomo kama mnong’ono.*
10 Urefu wa maisha yetu ni miaka 70,Au miaka 80+ ikiwa mtu ana nguvu za pekee.*
Lakini imejaa taabu na huzuni;Nayo hupita haraka, nasi hutokomea.+
11 Ni nani anayeweza kuelewa nguvu za hasira yako?
Ghadhabu yako ni kubwa kama hofu unayostahili kuonyeshwa.+
12 Tufundishe jinsi ya kuhesabu siku zetu+Ili tupate moyo wa hekima.
13 Rudi, Ee Yehova!+ Hali hiyo itadumu mpaka lini?+
Wahurumie watumishi wako.+
14 Tushibishe asubuhi kwa upendo wako mshikamanifu,+Ili tupaze sauti kwa shangwe na kushangilia+ siku zetu zote.
15 Tufanye tushangilie kulingana na siku ambazo umetutesa,+Kwa kadiri ya miaka mingi tuliyopata msiba.+
16 Watumishi wako na waone utendaji wako,Na wana wao waone fahari yako.+
17 Kibali chako, Ee Yehova Mungu wetu, na kiwe juu yetu;Na uifanikishe* kazi ya mikono yetu.
Naam, ifanikishe* kazi ya mikono yetu.+
