Zaburi 116:1-19
116 Ninampenda YehovaKwa sababu yeye huisikia* sauti yangu, sihi zangu za kuomba msaada.+
2 Kwa maana yeye hunitegea sikio lake,*+Nami nitamlilia maadamu ninaishi.*
3 Kamba za kifo zilinizunguka;Kaburi lilinishika kwa nguvu.*+
Nililemewa na taabu na huzuni.+
4 Lakini nikaliita jina la Yehova:+
“Ee, Yehova, niokoe!”*
5 Yehova ni mwenye huruma* na ni mwadilifu;+Mungu wetu ni mwenye rehema.+
6 Yehova anawalinda wasio na uzoefu.+
Nilishushwa chini, akaniokoa.
7 Acha nafsi* yangu ipumzike tena,Kwa maana Yehova amenitendea kwa fadhili.
8 Umeniokoa* kutoka katika kifo,Jicho langu kutokana na machozi, mguu wangu usijikwae.+
9 Nitatembea mbele za Yehova katika nchi ya walio hai.
10 Nilikuwa na imani, ndio maana niliongea;+Niliteseka sana.
11 Basi nikashikwa na hofu na kusema:
“Kila mwanadamu ni mwongo.”+
12 Nitamlipa Yehova niniKwa mema yote aliyonitendea?
13 Nitakiinua kikombe cha wokovu,*Nami nitaliitia jina la Yehova.
14 Nitamtimizia Yehova nadhiri zanguMbele ya watu wake wote.+
15 Ni chenye thamani sana* machoni pa YehovaKifo cha washikamanifu wake.+
16 Ninakusihi, Ee Yehova,Kwa maana mimi ni mtumishi wako.
Mimi ni mtumishi wako, mwana wa kijakazi wako.
Umezifungua pingu zangu.+
17 Nitakutolea dhabihu ya shukrani;+Nitaliitia jina la Yehova.
18 Nitamtimizia Yehova nadhiri zangu+Mbele ya watu wake wote,+
19 Katika nyua za nyumba ya Yehova,+Kati yako, Ee Yerusalemu.
Msifuni Yah!*+
Maelezo ya Chini
^ Au labda, “Ninapenda kwa sababu Yehova huisikia.”
^ Au “huinama chini ili kunisikiliza.”
^ Tnn., “katika siku zangu.”
^ Tnn., “Nilipatwa na taabu za Sheoli.”
^ Au “iokoe nafsi yangu.”
^ Au “neema.”
^ Au “Umeiokoa nafsi yangu.”
^ Au “wokovu mkuu.”
^ Au “Ni cha bei kubwa sana.”
^ Au “Haleluya!” “Yah” ni ufupisho wa jina Yehova.
