Zaburi 31:1-24
Kwa kiongozi. Muziki wa Daudi.
31 Nimekukimbilia wewe, Ee Yehova.+
Acha nisiaibishwe kamwe.+
Niokoe kwa sababu ya uadilifu wako.+
2 Nitegee sikio lako.*
Njoo haraka uniokoe.+
Uwe kwangu mlima ambao ni ngome,Ngome ya kuniokoa.+
3 Kwa maana wewe ni jabali langu na ngome yangu;+Kwa ajili ya jina lako,+ utaniongoza na kunielekeza.+
4 Utanitoa katika wavu walionitegea kwa siri,+Kwa maana wewe ni ngome yangu.+
5 Naiweka roho yangu mikononi mwako.+
Umenikomboa, Ee Yehova, Mungu wa ukweli.*+
6 Ninawachukia wale wanaoabudu sanamu zisizo na faida, za ubatili,Lakini mimi, ninamtumaini Yehova.
7 Nitashangilia sana kwa sababu ya upendo wako mshikamanifu,Kwa maana umeona dhiki yangu;+Unajua mateso makali yaliyo ndani yangu.*
8 Hujanitia mikononi mwa adui,Lakini unanifanya nisimame mahali salama.*
9 Nionyeshe kibali, Ee Yehova, kwa maana niko katika dhiki.
Maumivu makali yamefanya macho yangu yadhoofike,+ na pia mwili wangu wote.*+
10 Maisha yangu yamejaa huzuni+Na miaka yangu kilio cha maumivu makali.+
Nguvu zangu zinapungua kwa sababu ya dhambi yangu;Mifupa yangu inadhoofika.+
11 Ninadhihakiwa na maadui wangu wote,+Hasa majirani wangu.
Na rafiki zangu wananiogopa;Wanaponiona hadharani, wananikimbia.+
12 Wameniondoa moyoni* mwao na kunisahau, kana kwamba nimekufa;Mimi ni kama gudulia lililovunjika.
13 Nimesikia uvumi mwingi wa uovu;Nimezungukwa na hofu.+
Wanapokusanyika pamoja kama kitu kimoja dhidi yangu,Wanapanga njama ya kuniua.*+
14 Lakini ninakutumaini wewe, Ee Yehova.+
Ninatangaza: “Wewe ni Mungu wangu.”+
15 Siku* zangu zimo mkononi mwako.
Niokoe kutoka mikononi mwa maadui wangu na kutoka kwa wale wanaonitesa.+
16 Ifanye nuru ya uso wako imwangazie mtumishi wako.+
Niokoe kwa upendo wako mshikamanifu.
17 Ee Yehova, naomba nisiaibishwe ninapokulilia wewe.+
Waovu na waaibishwe;+Na wanyamazishwe Kaburini.*+
18 Midomo inayosema uwongo na iwe bubu,+Midomo inayoongea kwa kiburi dhidi ya mwadilifu, kwa majivuno na dharau.
19 Jinsi wema wako ulivyo mwingi sana!+
Umewahifadhia wale wanaokuogopa,+Nawe umeuonyesha mbele ya wanadamu wote, kwa niaba ya wale wanaokukimbilia wewe.+
20 Utawaficha mahali pa siri mbele zako*+Mbali na njama za wanadamu;Utawaficha katika banda lakoDhidi ya mashambulizi ya watu wenye nia mbaya.*+
21 Yehova na asifiwe,Kwa maana kwa njia yenye kustaajabisha, amenionyesha upendo wake mshikamanifu+ katika jiji lililozingirwa.+
22 Lakini mimi nilishikwa na wasiwasi nikasema:
“Nitaangamia kutoka mbele zako.”+
Lakini ulisikia sihi zangu za kuomba msaada nilipokulilia kwa sauti.+
23 Mpendeni Yehova, enyi nyote mlio washikamanifu kwake!+
Yehova huwalinda waaminifu,+Lakini humlipa vilivyo yeyote anayeonyesha kiburi.+
24 Iweni jasiri, na muwe na moyo mkuu,+Ninyi nyote mnaomngojea Yehova.+
