Zaburi 48:1-14
Wimbo. Muziki wa wana wa Kora.+
48 Yehova ni mkuu na anastahili kabisa kusifiwaKatika jiji la Mungu wetu, katika mlima wake mtakatifu.
2 Urefu wake unavutia, shangwe ya dunia yote,+Ni Mlima Sayuni ulio mbali sana kaskazini,Jiji la Mfalme Mkuu.+
3 Katika minara yake yenye ngome,Mungu ametangaza kwamba yeye ni kimbilio salama.*+
4 Kwa maana tazama! wafalme wamekusanyika;*Wamesonga mbele pamoja.
5 Walipoliona, walishangaa.
Wakashikwa na wasiwasi na kukimbia kwa hofu.
6 Wakaanza kutetemeka wakiwa huko,Wakashikwa na uchungu kama wa mwanamke anayezaa.
7 Kwa upepo wa mashariki unavunjavunja meli za Tarshishi.
8 Mambo tuliyosikia, tumejionea wenyeweKatika jiji la Yehova wa majeshi, katika jiji la Mungu wetu.
Mungu ataliimarisha kabisa milele.+ (Sela)
9 Tunautafakari upendo wako mshikamanifu, Ee Mungu,+Katika hekalu lako.
10 Kama jina lako, Ee Mungu, sifa yakoHufika mpaka kwenye miisho ya dunia.+
Mkono wako wa kuume umejaa uadilifu.+
11 Mlima Sayuni+ na ushangilie,Miji ya Yuda na ishangilie,* kwa sababu ya hukumu zako.+
12 Pigeni mwendo kuzunguka Sayuni; lizungukeni pande zote;Hesabuni minara yake.+
13 Wekeni mioyo yenu juu ya maboma yake.*+
Kagueni minara yake yenye ngome,Ili msimulie vizazi vijavyo kulihusu.
14 Kwa maana Mungu huyu ni Mungu wetu+ milele na milele.
Yeye mwenyewe atatuongoza kwa umilele wote.*+
