Zaburi 22:1-31
Kwa kiongozi; umepatanishwa na mtindo wa “Paa Jike wa Mapambazuko.”* Muziki wa Daudi.
22 Mungu wangu, Mungu wangu, kwa nini umeniacha?+
Kwa nini uko mbali usiweze kuniokoa,Mbali na vilio vyangu vya maumivu makali?+
2 Mungu wangu, ninaendelea kukuita wakati wa mchana, nawe hunijibu;+Na wakati wa usiku sinyamazi.
3 Lakini wewe ni mtakatifu,+Umezungukwa na* sifa za Israeli.
4 Baba zetu walikutumaini wewe;+Walikutumaini, nawe ulikuwa ukiwaokoa.+
5 Walikulilia kwa sauti, wakaokolewa;Walikutumaini, nao hawakukatishwa tamaa.*+
6 Lakini mimi ni mnyoo wala si mwanadamu,Ninadhihakiwa na wanadamu na kudharauliwa na watu.*+
7 Wote wanaoniona hunikejeli;+Wanafyonya midomo na kutikisa vichwa vyao kwa dharau:+
8 “Alijikabidhi mwenyewe kwa Yehova. Acha Yeye amwokoe!
Acha Yeye amwokoe, kwa sababu Yeye anampenda sana!”+
9 Wewe ndiye uliyenitoa tumboni,+Ni Wewe uliyenifanya nihisi nikiwa salama kwenye matiti ya mama yangu.
10 Nimewekwa chini ya utunzaji wako* tangu nilipozaliwa;Tangu nilipokuwa katika tumbo la mama yangu, umekuwa Mungu wangu.
11 Usikae mbali nami, kwa maana taabu iko karibu+Nami sina msaidizi mwingine.+
12 Ng’ombe dume wengi wachanga wananizunguka;+Ng’ombe dume wenye nguvu wa Bashani wananizingira.+
13 Wanafungua vinywa vyao wazi dhidi yangu,+Kama simba anayenguruma ambaye anararua windo lake vipandevipande.+
14 Nimemwagwa kama maji;Mifupa yangu yote imeteguka.
Moyo wangu umekuwa kama nta;+Unayeyuka katika sehemu zangu za ndani kabisa.+
15 Nguvu zangu zimekauka kama kigae;+Ulimi wangu unashikamana na fizi zangu;+Unanishusha chini kwenye mavumbi ya kifo.+
16 Kwa maana mbwa wananizunguka;+Wananizingira kama kundi la watenda maovu,+Kama simba, wanaishambulia mikono yangu na miguu yangu.+
17 Ninaweza kuhesabu mifupa yangu yote.+
Wananitazama na kunikodolea macho.
18 Wanagawana mavazi yangu,Nao wanalipigia kura vazi langu.+
19 Lakini wewe, Ee Yehova, usiendelee kukaa mbali.+
Wewe ni nguvu zangu; njoo haraka unisaidie.+
20 Niokoe* kutoka kwa upanga,Uhai wangu wenye thamani* kutoka katika makucha ya* mbwa;+
21 Niokoe kutoka katika kinywa cha simba+ na pembe za ng’ombe dume wa mwituni;Nijibu na uniokoe.
22 Nitalitangaza jina lako kwa ndugu zangu;+Katikati ya kutaniko nitakusifu.+
23 Ninyi mnaomwogopa Yehova, msifuni!
Enyi nyote uzao wa* Yakobo, mtukuzeni!+
Mwogopeni yeye, enyi nyote uzao wa* Israeli.
24 Kwa maana hajadharau wala kuchukizwa na mateso ya yule anayekandamizwa;+Hajauficha uso wake kutoka kwake.+
Alipomlilia amsaidie, alisikia.+
25 Nitakusifu katika kutaniko kubwa;+Nitatimiza nadhiri zangu mbele ya wale wanaomwogopa.
26 Wapole watakula na kushiba;+Wale wanaomtafuta Yehova watamsifu.+
Na ufurahie maisha* milele.
27 Miisho yote ya dunia itakumbuka na kumgeukia Yehova.
Familia zote za mataifa zitainama chini mbele zako.+
28 Kwa maana ufalme ni wa Yehova;+Anayatawala mataifa.
29 Watu wote wenye ufanisi* duniani watakula na kumwinamia;Wote wanaoshuka mavumbini watapiga magoti mbele zake;Hakuna yeyote kati yao anayeweza kuokoa uhai wao.*
30 Wazao wao watamtumikia;*Kizazi kitakachokuja kitaambiwa kumhusu Yehova.
31 Watakuja na kusimulia uadilifu wake.
Watawaambia watu ambao bado hawajazaliwa mambo aliyofanya.
Maelezo ya Chini
^ Labda ni sauti au mtindo wa muziki.
^ Au “Umeketi kwenye kiti cha ufalme kati ya (juu ya).”
^ Au “hawakuaibishwa.”
^ Au “Mimi ni fedheha kwa wanadamu na ninadharauliwa na watu.”
^ Tnn., “Nimetupwa kwako.”
^ Au “Iokoe nafsi yangu.”
^ Tnn., “Uhai pekee nilio nao,” yaani, nafsi yake.
^ Tnn., “mkono wa.”
^ Tnn., “mbegu ya.”
^ Tnn., “mbegu ya.”
^ Tnn., “Moyo wako na uishi.”
^ Tnn., “wanene.”
^ Au “nafsi zao.”
^ Tnn., “Mbegu itamtumikia.”
