Zaburi 103:1-22

  • “Nafsi yangu na imsifu Yehova”

    • Mungu huweka dhambi zetu mbali sana (12)

    • Mungu huonyesha rehema kama baba (13)

    • Mungu hukumbuka kwamba sisi ni mavumbi (14)

    • Kiti cha ufalme cha Yehova na ufalme wake (19)

    • Malaika hutekeleza neno la Mungu (20)

Wa Daudi. 103  Nafsi yangu na imsifu Yehova;Kila kitu kilicho ndani yangu na kilisifu jina lake takatifu.  2  Nafsi yangu na imsifu Yehova;Nami nisisahau kamwe mambo yote aliyotenda.+  3  Husamehe makosa yako yote+Na kuyaponya magonjwa yako yote;+  4  Huukomboa uhai wako kutoka shimoni*+Na kukuvika taji la upendo wake mshikamanifu na rehema.+  5  Hukushibisha kwa vitu vyema+ maisha yako yote,Hivi kwamba ujana wako unarudishwa upya kama ule wa tai.+  6  Yehova hutenda kwa uadilifu+ na hakiKwa ajili ya wote wanaokandamizwa.+  7  Alimjulisha Musa njia zake,+Na wana wa Israeli matendo yake.+  8  Yehova ni mwenye rehema na mwenye huruma,*+Si mwepesi wa hasira naye ana upendo mwingi mshikamanifu.*+  9  Hatatafuta makosa sikuzote,+Wala hataendelea kuwa na hasira milele.+ 10  Hajatutendea kulingana na dhambi zetu,+Wala hajatupa adhabu tuliyostahili kulingana na makosa yetu.+ 11  Kwa maana kama mbingu zilivyo juu kuliko dunia,Ndivyo upendo wake mshikamanifu ulivyo mkubwa kuelekea wale wanaomwogopa.+ 12  Kama mashariki ilivyo mbali sana na magharibi,Ndivyo alivyoweka dhambi zetu mbali sana na sisi.+ 13  Kama baba anavyowaonyesha wanawe rehema,Ndivyo ambavyo Yehova amewaonyesha rehema wale wanaomwogopa.+ 14  Kwa maana anajua vema umbo letu,+Akikumbuka kwamba sisi ni mavumbi.+ 15  Siku za mwanadamu anayeweza kufa ni kama za majani;+Yeye huchanua kama ua la shambani.+ 16  Lakini upepo unapovuma, linatoweka,Kana kwamba halikuwahi kuwepo.* 17  Lakini upendo mshikamanifu wa Yehova ni wa milele na milele*Kuelekea wale wanaomwogopa,+Na uadilifu wake kuelekea watoto wa watoto wao,+ 18  Kuelekea wale wanaolishika agano lake+Na wale walio waangalifu ili kuyashika maagizo yake. 19  Yehova amekiimarisha kabisa kiti chake cha ufalme mbinguni;+Nao ufalme wake unatawala kila kitu.+ 20  Msifuni Yehova, enyi malaika wake wote,+ mlio na nguvu nyingi,Mnaotekeleza neno lake,+ mkitii sauti yake.* 21  Msifuni Yehova, enyi majeshi yake yote,+Ninyi wahudumu wake mnaofanya mapenzi yake.+ 22  Msifuni Yehova, kazi zake zote,Kila mahali anapotawala.* Nafsi yangu yote na imsifu Yehova.

Maelezo ya Chini

^ Au “kaburini.”
^ Au “neema.”
^ Au “fadhili nyingi zenye upendo.”
^ Tnn., “Na mahali pake hapalijui tena.”
^ Au “tangu milele hadi milele.”
^ Tnn., “mkiisikia sauti ya neno lake.”
^ Au “Kila mahali pa enzi yake kuu.”

Haki za kunakili za chapisho hili