Zaburi 135:1-21
135 Msifuni Yah!*
Lisifuni jina la Yehova;Msifuni, enyi watumishi wa Yehova,+
2 Ninyi mnaosimama katika nyumba ya Yehova,Katika nyua za nyumba ya Mungu wetu.+
3 Msifuni Yah, kwa maana Yehova ni mwema.+
Liimbieni sifa* jina lake, kwa maana linapendeza.
4 Kwa maana Yah amemchagua Yakobo kwa ajili yake mwenyewe,Israeli awe mali yake ya pekee.*+
5 Kwa maana ninajua vizuri kwamba Yehova ni mkuu;Bwana wetu ni mkuu kuliko miungu mingine yote.+
6 Yehova hufanya kila jambo apendalo+Mbinguni na duniani, baharini na katika vilindi vyote.
7 Huyafanya mawingu yapande* kutoka kwenye miisho ya dunia;Hutengeneza radi* kwa ajili ya mvua;Huutoa upepo katika maghala yake.+
8 Aliwaua wazaliwa wa kwanza wa Misri,Wanadamu na wanyama pia.+
9 Alipeleka ishara na miujiza kati yako, Ee Misri,+Dhidi ya Farao na watumishi wake wote.+
10 Aliyaangamiza mataifa mengi+Na kuwaua wafalme hodari+
11 —Sihoni mfalme wa Waamori,+Ogu mfalme wa Bashani,+Na falme zote za Kanaani.
12 Aliitoa nchi yao kuwa urithi,Urithi kwa watu wake Waisraeli.+
13 Ee Yehova, jina lako linadumu milele.
Ee Yehova, umaarufu wako unadumu* katika vizazi vyote.+
14 Kwa maana Yehova atawatetea* watu wake,+Naye atawahurumia* watumishi wake.+
15 Sanamu za mataifa ni fedha na dhahabu,Kazi ya mikono ya mwanadamu.+
16 Zina kinywa, lakini haziwezi kuongea;+Zina macho, lakini haziwezi kuona;
17 Zina masikio, lakini haziwezi kusikia.
Hazina pumzi vinywani mwake.+
18 Watu wanaozitengeneza watakuwa kama sanamu hizo,+Na pia wote wanaozitumaini.+
19 Ee nyumba ya Israeli, msifuni Yehova.
Ee nyumba ya Haruni, msifuni Yehova.
20 Ee nyumba ya Lawi, msifuni Yehova.+
Enyi mnaomwogopa Yehova, msifuni Yehova.
21 Yehova na asifiwe kutoka Sayuni,+Yeye anayekaa Yerusalemu.+
Msifuni Yah!+
