Zaburi 53:1-6

  • Ufafanuzi kumhusu mpumbavu

    • “Hakuna Yehova” (1)

    • “Hakuna yeyote anayetenda mema” (3)

Kwa kiongozi; katika mtindo wa Mahalathi.* Maskili.* Wa Daudi. 53  Mpumbavu* husema moyoni mwake: “Hakuna Yehova.”+ Matendo yao maovu yamepotoka na yanachukiza;Hakuna yeyote anayetenda mema.+  2  Lakini Mungu anawatazama wanadamu kutoka mbinguni+Ili aone ikiwa kuna yeyote aliye na ufahamu, ikiwa kuna yeyote anayemtafuta Yehova.+  3  Wote wamekengeuka;Wote wamepotoka. Hakuna yeyote anayetenda mema,Hakuna hata mmoja.+  4  Je, hakuna mtenda maovu yeyote anayeelewa? Wanawala watu wangu kwa pupa kana kwamba wanakula mkate. Hawamwiti Yehova.+  5  Lakini watajawa na hofu kubwa,Hofu ambayo hawajawahi kamwe kuwa nayo,*Kwa maana Mungu ataitawanya mifupa ya wale wanaowashambulia ninyi.* Mtawaaibisha, kwa maana Yehova amewakataa wao.  6  Laiti wokovu wa Israeli ungetoka Sayuni!+ Yehova anapowakusanya tena watu wake waliotekwa,Yakobo na ashangilie, Israeli na afurahi.

Maelezo ya Chini

^ Angalia Kamusi.
^ Angalia Kamusi.
^ Au “Asiye na akili.”
^ Au labda, “Hofu mahali pasipo na chochote cha kuhofu.”
^ Tnn., “wanaopiga kambi dhidi yenu.”

Haki za kunakili za chapisho hili