Zaburi 26:1-12

  • Kutembea katika utimilifu

    • “Nichunguze, Ee Yehova” (2)

    • Kuepuka marafiki wabaya (4, 5)

    • ‘Nitapiga mwendo kuzunguka madhabahu ya Mungu’ (6)

Wa Daudi. 26  Unihukumu, Ee Yehova, kwa maana nimetembea katika utimilifu wangu;+Nimemtumaini Yehova bila kuyumbayumba.+  2  Nichunguze, Ee Yehova, na unijaribu;Safisha mawazo yangu ya ndani kabisa* na pia moyo wangu.+  3  Kwa maana upendo wako mshikamanifu uko mbele yangu daima,Nami ninatembea katika kweli yako.+  4  Sishirikiani* na watu wadanganyifu,+Nami huwaepuka wale wanaoficha jinsi walivyo.*  5  Ninachukia kundi la waovu,+Nami ninakataa kushirikiana* na waovu.+  6  Nitanawa mikono yangu katika ukosefu wa hatia,Nami nitapiga mwendo kuzunguka madhabahu yako, Ee Yehova,  7  Ili niifanye sauti ya utoaji shukrani isikike+Na kutangaza kazi zako zote zinazostaajabisha.  8  Yehova, ninaipenda nyumba ambamo unakaa,+Mahali ambapo utukufu wako hukaa.+  9  Usinifagilie mbali* pamoja na watenda dhambi+Wala kuniua pamoja na watu wakatili,* 10  Ambao mikono yao hutenda matendo ya* aibu,Na ambao mkono wao wa kulia umejaa rushwa. 11  Lakini mimi, nitatembea katika utimilifu wangu. Niokoe* na kunionyesha kibali. 12  Mguu wangu umesimama mahali tambarare;+Katika kutaniko kubwa,* nitamsifu Yehova.+

Maelezo ya Chini

^ Au “hisia zangu za ndani kabisa.” Tnn., “figo zangu.”
^ Tnn., “Siketi.”
^ Au “sichangamani na wanafiki.”
^ Tnn., “kuketi.”
^ Tnn., “Usiifagilie mbali nafsi yangu.”
^ Au “watu wanaomwaga damu.”
^ Au “mwenendo wa.”
^ Tnn., “Nikomboe.”
^ Tnn., “makusanyiko.”

Haki za kunakili za chapisho hili