Zaburi 55:1-23
Kwa kiongozi; uimbwe kwa vinanda. Maskili.* Wa Daudi.
55 Sikiliza sala yangu, Ee Mungu,+Na usiipuuze sala yangu ya kuomba rehema.*+
2 Nisikilize na unijibu.+
Hangaiko langu linanisumbua,+Nami nimefadhaika
3 Kwa sababu ya mambo ambayo adui anasemaNa mkazo kutoka kwa mwovu.
Kwa maana wananirundikia taabu,Na kwa hasira wana chuki kali kunielekea.+
4 Moyo wangu una maumivu makali,+Na hofu ya kifo inanilemea.+
5 Hofu na kutetemeka hunijia,Na woga hunishika.
6 Daima ninasema: “Laiti ningekuwa na mabawa kama ya njiwa!
Ningeruka mbali na kukaa kwa usalama.
7 Tazama! Ningekimbia na kwenda mbali sana.+
Ningekaa nyikani.+ (Sela)
8 Ningeenda haraka mahali pa kujifichaMbali na upepo mkali, mbali na dhoruba.”
9 Wavuruge, Ee Yehova, na uvuruge mipango yao,*+Kwa maana nimeona ukatili na mizozo jijini.
10 Usiku na mchana wanazunguka juu ya kuta zake;Ndani yake kuna fitina na taabu.+
11 Uharibifu uko ndani yake;Ukandamizaji na udanganyifu hauondoki kamwe katika uwanja wake.+
12 Kwa maana si adui anayenidhihaki;+La sivyo ningevumilia.
Si adui aliyeinuka dhidi yangu;La sivyo ningeweza kujificha.
13 Lakini ni wewe, mwanadamu kama mimi,*+Rafiki yangu mwenyewe ninayemjua vizuri.+
14 Tulikuwa tukifurahia pamoja urafiki wa karibu sana;Katika nyumba ya Mungu tulikuwa tukitembea pamoja na umati.
15 Na wapatwe na maangamizi!+
Na washuke Kaburini* wakiwa hai;Kwa maana uovu hukaa miongoni mwao na ndani yao.
16 Lakini mimi, nitamlilia Mungu,Na Yehova ataniokoa.+
17 Jioni na asubuhi na adhuhuri, ninahangaika na kulia kwa uchungu,*+Naye huisikia sauti yangu.+
18 Ataniokoa* na kunipa amani mbali na wale wanaopigana nami,Kwa maana umati huja kunishambulia.+
19 Mungu atasikia na kukabiliana nao,+Yule anayeketi kwenye kiti cha ufalme tangu zamani.+ (Sela)
Watakataa kubadilika,Wale ambao hawajamwogopa Mungu.+
20 Aliwashambulia* walio na amani pamoja naye;+Alilivunja agano lake.+
21 Maneno yake ni laini kuliko siagi,+Lakini mzozo umo moyoni mwake.
Maneno yake ni laini kuliko mafuta,Lakini ni panga zilizochomolewa.+
22 Mtupie Yehova mzigo wako,+Naye atakutegemeza.+
Hataruhusu kamwe mwadilifu aanguke.*+
23 Lakini wewe, Ee Mungu, utawashusha chini kwenye shimo lenye kina kabisa.+
Watu hao wenye hatia ya damu ambao ni wadanganyifu hawataishi nusu ya siku zao.+
Lakini mimi, nitakutumaini wewe.
