Zaburi 84:1-12

  • Kutamani sana hema tukufu la Mungu la ibada

    • Mlawi atamani kuwa kama ndege (3)

    • “Siku moja katika nyua zako” (10)

    • “Mungu ni jua na ngao” (11)

Kwa kiongozi; juu ya Gitithi.* Muziki wa wana wa Kora.+ 84  Jinsi linavyovutia sana* hema lako tukufu la ibada,+Ee Yehova wa majeshi!  2  Nafsi yangu yote inatamani,Naam, ninazimia kwa kutamani,Nyua za Yehova.+ Moyo wangu na mwili wangu humshangilia kwa sauti Mungu aliye hai.  3  Hata ndege hupata makao hukoNa mbayuwayu hujipatia kiota,Ambamo huyatunza makinda wakeKaribu na madhabahu yako tukufu, Ee Yehova wa majeshi,Mfalme wangu na Mungu wangu!  4  Wenye furaha ni wale wanaokaa katika nyumba yako!+ Wanaendelea kukusifu.+ (Sela)  5  Wenye furaha ni watu wanaopata nguvu kutoka kwako,+Ambao mioyo yao inatamani sana* barabara kuu.  6  Wanapopita katika Bonde la Mibaka,*Wanalifanya kuwa mahali penye chemchemi;Na mvua ya mapema hulivisha* baraka.  7  Wataendelea kutembea kutoka nguvu hadi nguvu zaidi;+Kila mmoja wao hufika mbele za Mungu kule Sayuni.  8  Ee Yehova Mungu wa majeshi, isikie sala yangu;Sikiliza, Ee Mungu wa Yakobo. (Sela)  9  Tazama, ngao yetu+ na Mungu wetu,*Utazame uso wa mtiwa-mafuta wako.+ 10  Kwa maana siku moja katika nyua zako ni bora kuliko siku elfu moja kwingineko!+ Ninachagua kusimama kwenye kizingiti cha nyumba ya Mungu wanguBadala ya kukaa katika mahema ya uovu. 11  Kwa maana Yehova Mungu ni jua+ na ngao;+Yeye hutoa kibali na utukufu. Yehova hatawanyima jambo lolote jemaWale wanaotembea kwa utimilifu.+ 12  Ee Yehova wa majeshi,Mwenye furaha ni mtu anayekutumaini.+

Maelezo ya Chini

^ Angalia Kamusi.
^ Au “linavyopendwa sana.”
^ Tnn., “inakazia.”
^ Au “bonde lenye vichaka vya mibaka.”
^ Au labda, “Na mfundishaji hujifunika mwenyewe.”
^ Au labda, “Itazame ngao yetu, Ee Mungu.”

Haki za kunakili za chapisho hili