Zaburi 146:1-10

  • Mtumaini Mungu, si wanadamu

    • Mawazo ya mwanadamu hupotea anapokufa (4)

    • Mungu huwainua juu walioinama chini (8)

146  Msifuni Yah!*+ Nafsi yangu yote na imsifu Yehova.+  2  Nitamsifu Yehova maisha yangu yote. Nitamwimbia sifa* Mungu wangu maadamu ninaishi.  3  Msiwatumaini wakuu*Wala mwanadamu, ambaye hawezi kuleta wokovu.+  4  Roho* yake hutoka, naye hurudi ardhini;+Siku hiyohiyo mawazo yake hupotea.+  5  Mwenye furaha ni yule ambaye Mungu wa Yakobo ni msaidizi wake,+Ambaye anamtumaini Yehova Mungu wake,+  6  Muumba wa mbingu na dunia,Wa bahari, na vyote vilivyomo,+Yeye ambaye ni mwaminifu daima,+  7  Yeye anayetekeleza haki kwa ajili ya waliopunjwa,Yeye anayewapa chakula* wenye njaa.+ Yehova anawaachilia huru wafungwa.*+  8  Yehova anafungua macho ya vipofu;+Yehova anawainua juu wale walioinama chini;+Yehova anawapenda waadilifu.  9  Yehova anawalinda wakaaji wageni;Humtegemeza yatima na mjane,+Lakini huivuruga mipango ya waovu.*+ 10  Yehova atakuwa Mfalme milele,+Mungu wako, Ee Sayuni, kizazi baada ya kizazi. Msifuni Yah!*

Maelezo ya Chini

^ Au “Haleluya!” “Yah” ni ufupisho wa jina Yehova.
^ Au “Nitampigia muziki.”
^ Au “viongozi.”
^ Au “Pumzi.”
^ Tnn., “mkate.”
^ Tnn., “waliofungwa.”
^ Au “huipotosha njia ya waovu.”
^ Au “Haleluya!” “Yah” ni ufupisho wa jina Yehova.

Haki za kunakili za chapisho hili