Zaburi 130:1-8

  • “Kutoka vilindini ninakulilia”

    • ‘Ikiwa ungekuwa unatazama makosa’ (3)

    • Msamaha wa kweli hutoka kwa Yehova (4)

    • “Ninamngojea Yehova kwa hamu” (6)

Wimbo wa Safari za Kupanda. 130  Kutoka vilindini ninakulilia, Ee Yehova.+  2  Ee Yehova, isikie sauti yangu. Masikio yako na yasikilize sihi zangu za kuomba msaada.  3  Ikiwa ungekuwa unatazama* tu makosa, Ee Yah,*Basi ni nani, Ee Yehova, angeweza kusimama?+  4  Kwa maana wewe hutoa msamaha wa kweli,+Ili watu wakuhofu.*+  5  Ninamtumaini Yehova, nafsi yangu yote inamtumaini;Ninangoja neno lake.  6  Ninamngojea Yehova kwa hamu,+Kuliko walinzi wanavyoingojea asubuhi,+Naam, kuliko walinzi wanavyoingojea asubuhi.  7  Watu wa Israeli na waendelee kumngojea Yehova,Kwa maana Yehova ni mshikamanifu katika upendo wake,+Naye ana nguvu nyingi za kukomboa.  8  Atawakomboa watu wa Israeli kutoka katika makosa yao yote.

Maelezo ya Chini

^ Au “unafuatilia.”
^ “Yah” ni ufupisho wa jina Yehova.
^ Tnn., “Ili uogopwe.”

Haki za kunakili za chapisho hili