Zaburi 115:1-18
115 Usitutukuze sisi, Ee Yehova, usitutukuze sisi,*Bali litukuze jina lako+Kwa sababu ya upendo wako mshikamanifu na uaminifu wako.+
2 Kwa nini mataifa yaseme:
“Yuko wapi Mungu wao?”+
3 Mungu wetu yuko mbinguni;Hufanya lolote apendalo.
4 Sanamu zao ni fedha na dhahabu,Kazi ya mikono ya mwanadamu.+
5 Zina kinywa, lakini haziwezi kuongea;+Zina macho, lakini haziwezi kuona;
6 Zina masikio, lakini haziwezi kusikia;Zina pua, lakini haziwezi kunusa;
7 Zina mikono, lakini haziwezi kugusa;Zina miguu, lakini haziwezi kutembea;+Hazitoi sauti yoyote kwa koo zake.+
8 Watu wanaozitengeneza watakuwa kama sanamu hizo,+Na pia wote wanaozitumaini.+
9 Ee Israeli, mtumainini Yehova+—Yeye ndiye msaada wenu na ngao yenu.+
10 Ee nyumba ya Haruni,+ mtumainini Yehova;—Yeye ndiye msaada wenu na ngao yenu.
11 Ninyi mnaomwogopa Yehova, mtumainini Yehova+—Yeye ndiye msaada wenu na ngao yenu.+
12 Yehova anatukumbuka na atatubariki;Ataibariki nyumba ya Israeli;+Ataibariki nyumba ya Haruni.
13 Atawabariki wale wanaomwogopa Yehova,Wadogo kwa wakubwa.
14 Yehova atawapa ongezeko,Ninyi na watoto* wenu.+
15 Yehova na awabariki,+Muumba wa mbingu na dunia.+
16 Mbingu ni za Yehova,+Lakini dunia amewapa wanadamu.+
17 Watu waliokufa hawamsifu Yah;+Wala yeyote anayeshuka kwenye ukimya wa kifo.*+
18 Lakini sisi tutamsifu YahKuanzia sasa mpaka milele.
Msifuni Yah!*
