Zaburi 85:1-13
Kwa kiongozi. Muziki wa wana wa Kora.+
85 Ee Yehova, umeionyesha kibali nchi yako;+Uliwarudisha watu wa Yakobo waliokuwa wametekwa.+
2 Umelisamehe kosa la watu wako;Ulisamehe* dhambi yao yote.+ (Sela)
3 Uliizuia ghadhabu yako yote;Uliiacha hasira yako kali.+
4 Turudishe,* Ee Mungu wa wokovu wetu,Na uache kutukasirikia.+
5 Je, utatughadhibikia milele?+
Je, utaendelea kukasirika kizazi baada ya kizazi?
6 Je, hutatuhuisha tenaIli watu wako washangilie kwa sababu yako?+
7 Ee Yehova, tutendee kwa upendo mshikamanifu,+Nawe utupe wokovu wako.
8 Nitasikiliza jambo ambalo Mungu wa kweli Yehova anasema,Kwa maana atawaambia watu wake kuhusu amani,+ washikamanifu wake,Lakini wasianze tena kujiamini kupita kiasi.+
9 Kwa hakika wokovu wake uko karibu na wale wanaomwogopa,+Ili utukufu wake ukae katika nchi yetu.
10 Upendo mshikamanifu utakutana na uaminifu;Uadilifu utabusiana na amani.+
11 Uaminifu utachipuka duniani,Na uadilifu utatazama chini kutoka mbinguni.+
12 Naam, Yehova atatoa kilicho chema,*+Na nchi yetu itazaa mavuno yake.+
13 Uadilifu utatembea mbele zake+Na kutengeneza njia kwa ajili ya hatua zake.
