Zaburi 5:1-12
Kwa kiongozi wa Nehilothi.* Muziki wa Daudi.
5 Sikiliza maneno yangu, Ee Yehova;+Sikiliza kwa makini kilio changu cha uchungu.
2 Sikiliza kilio changu cha kuomba msaada,Ee Mfalme wangu na Mungu wangu, kwa sababu ninasali kwako.
3 Ee Yehova, utasikia sauti yangu asubuhi;+Asubuhi nitakueleza mahangaiko yangu+ na kusubiri kwa hamu.
4 Kwa maana wewe si Mungu anayefurahia uovu;+Hakuna mtu yeyote mwovu anayeweza kukaa nawe.+
5 Hakuna mtu yeyote mwenye kiburi anayeweza kusimama mbele zako.*
Unawachukia wale wote wanaotenda maovu;+
6 Utawaangamiza wale wanaosema uwongo.+
Yehova anawachukia kabisa watu wakatili na wadanganyifu.*+
7 Lakini nitaingia katika nyumba yako+ kwa sababu ya upendo wako mwingi mshikamanifu;+Nitainama chini kuelekea hekalu lako takatifu* nikiwa na heshima na woga kukuelekea.+
8 Niongoze, Ee Yehova, katika uadilifu wako kwa sababu ya maadui wangu;Ifanye njia yako iwe wazi kwangu.+
9 Kwa maana hakuna lolote wanalosema linaloweza kutumainiwa;Ndani yao hamna lolote isipokuwa nia ya kudhuru.
Koo lao ni kaburi lililo wazi;Wanasifusifu kwa ulimi wao.*+
10 Lakini Mungu atawatangaza kuwa na hatia;Njama zao wenyewe zitasababisha waanguke.+
Na wafukuzwe kwa sababu ya dhambi zao nyingi,Kwa maana wamekuasi wewe.
11 Lakini wale wote wanaokukimbilia watashangilia;+Watapaza sauti kwa shangwe daima.
Nawe utawakinga wasifikiwe,Na wale wanaolipenda jina lako watashangilia kwa sababu yako.
12 Kwa maana utambariki yeyote aliye mwadilifu, Ee Yehova;Utawazunguka kwa kibali kana kwamba kwa ngao kubwa.+
