Zaburi 33:1-22
33 Pazeni sauti kwa shangwe, enyi waadilifu, kwa sababu ya Yehova.+
Ni jambo linalofaa kwa wanyoofu kumsifu yeye.
2 Mshukuruni Yehova kwa kinubi;Mwimbieni sifa* kwa kinanda chenye nyuzi kumi.
3 Mwimbieni wimbo mpya;+Pigeni nyuzi kwa ustadi, na kupaza sauti kwa shangwe.
4 Kwa maana neno la Yehova limenyooka,+Na kila jambo analofanya linategemeka.
5 Anapenda uadilifu na haki.+
Dunia imejaa upendo mshikamanifu wa Yehova.+
6 Kwa neno la Yehova mbingu ziliumbwa,+Na kwa roho ya* kinywa chake kila kitu kilichomo kiliumbwa.*
7 Huyakusanya maji ya bahari kana kwamba ni bwawa;+Huyaweka mawimbi makubwa ya maji katika maghala.
8 Dunia yote na imwogope Yehova.+
Wakaaji wa nchi* na wamhofu.
9 Kwa maana alisema, ikawa;+Aliamuru, ikasimama imara.+
10 Yehova amevuruga njama za* mataifa;+Ameharibu mipango* ya mataifa.+
11 Lakini maamuzi* ya Yehova yatasimama milele;+Mawazo ya moyo wake ni ya kizazi baada ya kizazi.
12 Lenye furaha ni taifa ambalo Mungu wake ni Yehova,+Watu ambao amewachagua kuwa miliki yake mwenyewe.+
13 Yehova anatazama chini kutoka mbinguni;Anawaona wanadamu wote.+
14 Kutoka katika makao yake,Anawakazia macho wakaaji wa dunia.
15 Yeye ndiye anayeumba mioyo ya wote;Huchunguza kazi zao zote.+
16 Hakuna mfalme anayeokolewa na jeshi kubwa;+Mtu hodari haokolewi na nguvu zake nyingi.+
17 Farasi ni tumaini la uwongo la wokovu;*+Nguvu zake nyingi hazimhakikishii mtu kwamba ataponyoka.
18 Tazama! Jicho la Yehova linawalinda wale wanaomwogopa,+Wale wanaongojea upendo wake mshikamanifu,
19 Ili awaokoe* kutoka katika kifoNa kuwahifadhi hai wakati wa njaa kali.+
20 Tunamtarajia Yehova.
Yeye ni msaidizi wetu na ngao yetu.+
21 Mioyo yetu hushangilia kwa sababu yake,Kwa maana tunalitumaini jina lake takatifu.+
22 Upendo wako mshikamanifu na ukae juu yetu, Ee Yehova,+Tunapoendelea kukungojea.+
