Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

Omuaraa parau o te tuhaa 9

Omuaraa parau o te tuhaa 9

I roto i teie tuhaa, e haapii mai tatou no nia i te feia apî, te mau peropheta e te mau arii tei faatupu i te hoê faaroo faahiahia mau ia Iehova. I Arama, ua tiaturi papu te hoê tamahine iti Iseraela e e nehenehe te peropheta a Iehova e faaore i to Naamana ma‘i. Ua tiaturi papu atoa te peropheta Elisaia e e paruru mai Iehova ia ’na i te nuu enemi. Ua ineine te tahu‘a rahi o Iehoiada i te pohe no te paruru ia Ioasa i to ’na apîraa no te mea ua hinaaro Atalia, to Ioasa mama ruau, e haapohe ia ’na. Ua tiaturi te arii Hezekia e e paruru Iehova ia Ierusalema e aita oia i tuu i mua i te haamǎta‘uraa a Asura. Ua faaore roa te arii Iosia i te haamoriraa idolo i vai na i te fenua. Ua tataî oia i te hiero e ua tauturu oia i te nunaa ia ho‘i faahou i te haamoriraa mau.

I ROTO I TEIE TUHAA

HAAPIIRAA 51

Te raatira e te tamahine iti

Te paraparau ra te hoê tamahine iti no Iseraela i ta ’na fatu vahine no nia i te puai rahi o Iehova. Maoti te reira i faatupuhia ’i te hoê semeio.

HAAPIIRAA 52

Te nuu auahi a Iehova

E nafea ta Elisaia tavini i ite ai e ‘mea rahi a‘e tei ia tatou ra i tei ia ratou ra.’

HAAPIIRAA 53

Te itoito o Iehoiada

Te tia nei te hoê tahu‘a taiva ore i mua i te hoê arii vahine ino mau.

HAAPIIRAA 54

Ua faaite Iehova i te faaoromai ia Iona

E nafea hoê o te mau peropheta a Iehova i horomiihia ’i e te hoê i‘a rarahi? E nafea oia i ora mai? E eaha te haapiiraa ta Iehova i horoa ia ’na?

HAAPIIRAA 55

Ua paruru te melahi a Iehova ia Hezekia

Ua parau te mau enemi a Iuda e eita Iehova e paruru i to ’na nunaa, ua hape râ ratou!

HAAPIIRAA 56

Mea au roa na Iosia te Ture a te Atua

Ua riro Iosia ei arii i te va‘uraa o to ’na matahiti e ua tauturu oia i te nunaa ia haamori ia Iehova.