Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

Rata a te Tino aratai

Rata a te Tino aratai

E to matou hoa Kerisetiano here e:

Ei tavini a Iehova, mea here na tatou ta ’na Parau, oia hoi te Bibilia. Ua ite iho â tatou e maoti te Bibilia, e fana‘o tatou i te mau aamu mau, i te aratairaa papu no te oraraa e i te faaiteraa mahanahana mau o to Iehova here i te huitaata. (Salamo 119:105; Luka 1:3; Ioane 1, 4:19) Te hinaaro mau nei tatou e tauturu ia vetahi ê ia haapii mai i te parau mau faufaa e vai ra i roto i te Parau a te Atua. No reira, mea oaoa na matou i te neneiraa i tera buka Ta ’u e haapii no roto mai i te Bibilia. E faaite ana‘e matou hau atu â no nia i tera buka.

Ua faaineinehia te rahiraa o tera buka no te mau tamarii. Tera râ, e nehenehe atoa e faaohipa i te reira no te tauturu i te feia paari a‘e o te hinaaro ra e haapii hau atu â no nia i te Bibilia. Inaha e buka te Bibilia no te taata atoa, papu maitai e faufaahia tatou pauroa i te hi‘opoa mai i te mau haapiiraa Bibilia. E tauturu hoi te reira ia tatou ia ite i te oaoa mau.

Ma te faaohipa i te mau aamu o te Bibilia, te faaite ra teie buka i te aamu o te huitaata mai te poieteraa mai. Ua tutava matou i te faaite i te mau aamu Bibilia ma te papu e ia ohie ia taa. Ua tutava atoa matou i te faaite i tera mau aamu Bibilia ia au i te taime i tupu ai te reira.

Eita râ tera buka e faaite noa i te mau aamu Bibilia. Ua faaineinehia te huru papairaa e te mau hoho‘a mai te huru ra e to roto roa tatou i te aamu Bibilia e te ite ra tatou i te huru aau o te taata o te aamu.

Te tauturu ra teie papai ia tatou ia ite e e buka te Bibilia no nia i te taata: te feia i faaroo ia Iehova e te feia i ore i faaroo ia ’na. E nehenehe atoa tatou e huti i te haapiiraa no to ratou hi‘oraa. (Roma 15:4; Korinetia 1, 10:6) Ua tatuhaahia teie buka na roto 14 tuhaa. I te  omuaraa o te tuhaa taitahi, e itehia te hoê haapotoraa o vetahi o te mau haapiiraa ta tatou e nehenehe e huti mai.

E metua anei oe? A taio ïa hoê haapiiraa e ta oe tamarii e a faaohipa i te mau hoho‘a. I muri iho, e nehenehe orua e taio i te mau irava Bibilia no nia i tera haapiiraa. A tauturu i ta oe tamarii ia ite e ua niuhia pauroa ta ’na i taio i roto i tera buka i nia i te Bibilia. E nehenehe atoa e na reira no te tauturu i te hoê taata paari a‘e ia hi‘opoa taatoa i te poroi Bibilia.

Ia tauturu teie buka i te feia aau tia, te feia apî anei aore ra paari a‘e, ia haapii no nia i te Parau a te Atua e ia faaohipa i te mau haapiiraa i roto i to ratou oraraa. E nehenehe ïa ratou e haamori ia ’na ei mero o to ’na utuafare here e.

To outou mau taeae,

Tino aratai a te mau Ite no Iehova