Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 84

Ua haere o Iesu na nia i te miti

Ua haere o Iesu na nia i te miti

E mana to Iesu no te faaora i tei ma‘ihia e no te faatia mai i tei pohe. E mana atoa to ’na i nia i te mata‘i e te ûa. I muri a‘e i ta Iesu pure i nia i te hoê mou‘a, ua hi‘o oia i te pae miti o Galilea e ua ite oia i te hoê vero. Tei nia ta ’na mau aposetolo i te poti e te tutava ra ratou i te hôe noa ’tu te mata‘i puai. Ua pou maira Iesu mai te mou‘a mai e ua haamata oia i te haere na nia i te miti e tae atu ai i to ratou poti ra. A ite ai te mau aposetolo i te hoê taata o te haere ra na nia i te miti, ua haamata ratou i te riaria. Ua parau râ Iesu ia ratou: ‘O vau teie. Eiaha e riaria.’

Ua na ô atura o Petero: ‘E te Fatu e, mai te peu o oe iho â, a faaue mai ia haere au ia oe ra.’ Ua faaue atura Iesu ia Petero: ‘A haere mai.’ Noa ’tu te vero, ua pou o Petero mai nia mai i te poti e ua haere oia ia Iesu ra na nia i te miti. A piri ai râ oia ia Iesu, ua hi‘o o Petero i te vero e ua riaria oia. Ua haamata ’tura oia i te mure i raro i te miti. Ua tuô atura o Petero: ‘E te Fatu e, a faaora mai ia ’u!’ Ua haru atura Iesu i to ’na rima ma te parau: ‘No te aha oe i feaa ’i? Teihea ’tura to oe faaroo?’

Ua pauma o Iesu e o Petero i roto i te poti e i taua iho â taime, ua faaea te vero. No oe, eaha te huru aau o te mau aposetolo? Ua parau ratou: “E Tamaiti mau â oe na te Atua.”

E ere i tera noa taime i faaite ai Iesu i to ’na mana i nia i te reva. I te tahi atu taime, ua haere o Iesu e te mau aposetolo i te tahi atu pae o te miti na nia i te poti. Ua taoto atura o Iesu i te muriraa o te poti. A taoto ai oia, ua haamata ’tura te hoê vero puai mau. Ua fati mai te mau are i nia i te poti e ua haamata te poti i te î i te pape. Ua faaara te mau aposetolo ia Iesu ma te tuô: ‘E Orometua e, e pohe matou! A tauturu mai na!’ Ua ara ’tura o Iesu e ua parau oia i te miti: “A faaea! Mamû!” I tera iho â taime, ua faaea te mata‘i e te miti. Ua ani atura Iesu i te mau aposetolo: ‘Teihea ’tura to outou faaroo?’ Ua na ô atura te tahi i te tahi: “E faaroo atoa te mata‘i e te miti ia ’na.” Ua haapii mai te mau aposetolo e mai te peu e tiaturi roa ratou ia Iesu, eita hoê a‘e ohipa te nehenehe e faariaria ia ratou.

“Te mana‘o nei râ vau, e noaa ia ’u te maitai o Iehova i te fenua o te taata nei.”—Salamo 27:13

No te ite atu â

A PEE I TO RATOU FAAROO

Ua aro Petero i te mǎta‘u e te feaa

Mea ino roa ia feaa. Ua haavî râ Petero i to ’na mǎta‘u e to ’na feaa e pee ia Iesu.