Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 69

Ua fa mai Gaberiela ia Maria

Ua fa mai Gaberiela ia Maria

I ora na o Maria i te oire o Nazareta i Galilea. E vahine apî oia e e fetii oia no Elisabeta. Ua momo‘ahia Maria ia Iosepha, te hoê tamuta. E ono ava‘e i teie nei i to Elisabeta hapûraa. I reira te melahi Gaberiela i fa mai ai ia Maria. Ua parau te melahi: ‘Ia ora na, Maria. Ua mauruuru roa Iehova ia oe.’ Aita Maria i taa i te auraa o ta Gaberiela i parau. Ua parau atura te melahi ia ’na: ‘E hapû oe e e fanau oe i te hoê tamaiti. O Iesu to ’na i‘oa. E riro oia ei Arii. E vai ta ’na Faatereraa e a muri noa ’tu.’

Ua parau atura Maria: ‘Aita hoi au i taoto a‘enei i te hoê tane! E nafea ïa vau e fanau ai i te hoê tamarii?’ Ua pahono atura Gaberiela: ‘E tia te mau mea atoa ia Iehova. E pou mai te varua mo‘a i nia ia oe e e fanau oe i te hoê tamaiti. Ua hapû atoa to oe fetii o Elisabeta.’ Ua parau atura Maria: ‘E tavini vahine au na Iehova! Ia tupu te ohipa mai ta oe i parau mai.’

 Ua haere Maria i te hoê oire i nia i te mau aivi no te farerei ia Elisabeta. A aroha ’i Maria ia ’na, ua hauti te pêpe i roto i to Elisabeta opu. Ua î a‘era Elisabeta i te varua mo‘a a na ô ai: ‘E Maria e, ua haamaitai Iehova ia oe. E fana‘oraa taa ê ia haere mai te metua vahine o to ’u Fatu i to ’u nei fare.’ Ua parau atura Maria: ‘Te arue nei au ia Iehova ma to ’u aau atoa.’ Ua vai Maria i ǒ Elisabeta e toru ava‘e i te maoro e i muri iho, ua ho‘i oia i to ’na fare i Nazareta.

Ua ite ia Iosepha e ua hapû o Maria. Ua hinaaro atura Iosepha ia faataa raua Maria. Ua fa mai râ te hoê melahi ia Iosepha na roto i te hoê moemoeâ no te parau atu: ‘Eiaha e riaria i te faaipoiporaa ’tu ia ’na. Aita oia i rave i te tahi ohipa ino.’ Ua faaipoipo atura o Iosepha ia Maria.

“Te rave nei Iehova i ta ’na i hinaaro ra i nia i te mau ra‘i, e te fenua atoa nei.”—Salamo 135:6

No te ite atu â

A PEE I TO RATOU FAAROO

Maria: “Inaha ei tavini au no te Fatu”

Eaha ta te pahonoraa a Maria i te melahi Gaberiela e faaite ra no nia i to ’na faaroo? Eaha te tahi atu â mau huru maitatai ta Maria i faahotu?