Eaha to roto?

Putuputuraa a te mau Ite no Iehova

No nia i ta matou mau putuputuraa. Vahi putuputuraa i pihai iho i ǒ oe.

Parau faaara no nia i te Coronavirus (COVID-19): I roto e rave rahi fenua, ua faaorehia te mau putuputuraa i te Piha a te Basileia aore ra ei pǔpǔ rarahi. Ia hinaaro oe ia ite atu â no nia i te Bibilia aore ra te mau Ite no Iehova, a faaî i te hoê aniraa i nia i ta matou reni natirara A ani i te hoê farereiraa e na te hoê Ite no Iehova piri i to oe faaearaa e taniuniu atu..

Imi i te vahi i pihai iho i ǒ oe (opens new window)

Eaha te tereraa o ta matou mau putuputuraa?

E piti taime i te hebedoma e putuputu te mau Ite no Iehova no te haamori i te Atua. (Hebera 10:24, 25) E nehenehe te taata atoa e haere mai. E hi‘opoahia eaha ta te Bibilia e haapii ra e nafea ia faaohipa i te reira i roto i te oraraa.

I te rahiraa o te taime, e nehenehe te feia e amui mai e pahono i te mau uiraa. E haamata e e faaoti te mau putuputuraa ma te himene e te pure.

Noa ’tu e e ere oe i te Ite no Iehova, haere mai i ta matou mau putuputuraa. Titau-manihini-hia te taata atoa. Mea tamoni ore e eita e titauhia te moni.