Eaha to roto?

2023

Oroa haamanaˈoraa o te pohe o Iesu

Eaha te faufaaraa o tera tusia no oe?

Te titau manihini nei matou ia oe i teie na tupuraa tamoni ore:

  • Te oreroraa parau Bibilia taa ê “E maitai mai te tau no a muri aˈe!”

  • Te Oroa haamanaˈoraa o te pohe o Iesu

Oroa haamanaˈoraa o te pohe o Iesu

Mahana piti 4 no Eperera 2023.

Hoê taime i te mau matahiti atoa, e haamanaˈo te mau Ite no Iehova i te poheraa o Iesu mai ta ˈna i faaue ma te parau: “A tamau i te rave i te reira ei manaˈoraa ia ˈu.”—Luka 22:19.

Maimi i te hoê Oroa haamanaˈoraa

ORERORAA PARAU BIBILIA TAA Ê

“E maitai mai te tau no a muri aˈe!”

E horoahia teie oreroraa parau hoê hebedoma na mua ˈˈe te Oroa haamanaˈoraa. E faataahia mai e nafea te auhoaraa e te Atua ra o Iehova e tauturu ai ia tatou ia ore e mǎtaˈu no te tau a muri aˈe. E nehenehe hoi tera auhoaraa e tupu maoti te pohe o Iesu.

Uiraa a te taata

Ehia maororaa te porotarama?

E tupu te reira fatata hoê hora te maoro.

Ihea te reira e tupu ai?

A ani i te mau Ite no Iehova o to oe fenua.

Mea aufau anei no te haere i tera tupuraa?

E ere i te mea aufau.

E titauhia anei te moni?

Eita. Aita roa ˈtu te mau Ite no Iehova e titau i te moni i ta ratou mau putuputuraa.

Eaha te ahu e oomo?

Aita e faatureraa i te pae o te ahu. Tera râ, te tutava nei te mau Ite no Iehova i te pee i te aratairaa Bibilia e faaue ra ia oomo i te ahu tano e te tura. (Timoteo 1, 2:9) Eita e titauhia ia hoo mai i te ahu moni roa aore ra taa ê.

Eaha te tupu i te Oroa haamanaˈoraa?

E haamata e e faaoti te putuputuraa na roto i te hoê reo himene e na te hoê Ite no Iehova e pure. Te mea faufaa roa i te Oroa haamanaˈoraa, o te oreroraa parau ïa o te faaite i te faufaaraa o te pohe o Iesu e e nafea tatou e faufaahia ˈi i ta te Atua e Iesu i rave no tatou.

No te haapii hau atu â, a hiˈo i te mau video i muri nei e vai ra i nia jw.org.

A haamanaˈo i te mahana poheraa o Iesu

A hiˈo i te hoê a muri aˈe faahiahia o ta te pohe o Iesu e horoa mai.

No te aha Iesu i pohe ai?

Ua faaroo paha oe e ua pohe oia no ta tatou mau hara. E nehenehe râ anei te hoê taata e horoa i to ˈna ora ia fanaˈo e mirioni taata?

A rave mai i teie titau-manihini-raa.