Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 4

No to ’na riri i taparahi haapohe ai oia i to ’na taeae

No to ’na riri i taparahi haapohe ai oia i to ’na taeae

Ua tiahihia Adamu raua Eva i rapae i te ô i Edene. I muri a‘e, e rave rahi tamarii ta raua. O Kaina te i‘oa o ta raua tamaiti matamua. Ua riro oia ei taata faaapu. Te piti o ta raua tamaiti, o Abela ïa. Ua riro oia ei tiai mamoe.

I te hoê mahana, ua pûpû Kaina raua Abela i te mau tusia na Iehova. Ua ite anei oe eaha te hoê tusia? O te hoê ô taa ê roa. Ua oaoa Iehova i te tusia ta Abela i pûpû na ’Na, area râ to Kaina, aita Iehova i oaoa. Ua riri roa ïa Kaina. Ua faaara Iehova ia Kaina e e nehenehe to ’na riri e turai ia ’na ia rave i te tahi ohipa ino. Aita râ Kaina i faaroo.

Ua parau Kaina ia Abela: ‘E haere ana’e i roto i te faaapu.’ A vai ai raua ana‘e i roto i te faaapu, ua taparahi haapohe  Kaina i to ’na taeae. Eaha ta Iehova i rave? Ua faautua Iehova ia Kaina ma te faaatea ê ia ’na i to ’na mau fetii. Aita roa ’tu Kaina i nehenehe e ho‘i faahou mai.

Eaha ïa te haapiiraa no tatou? E haamata paha tatou i te riri eita ana‘e te mau mea e tupu mai ta tatou e hinaaro ra. Ia rahi mai te riri i roto i to tatou aau e ia faaara mai vetahi ê e ua ite ratou i to tatou riri, e mea tia ia faatano oioi i te reira ia ore taua mau huru aau e faatere ia tatou.

No te mea ua here rahi Abela ia Iehova e ua rave oia i te ohipa maitai, e haamana‘o noa Iehova ia ’na. E faatia faahou mai te Atua ia Abela i te mahana e faariro ai oia i te fenua ei paradaiso.

“Ia hau orua [to taeae] na mua e ho‘i mai ai oe e pûpû i ta oe ô.”—Mataio 5:24