Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 7

Te pare o Babela

Te pare o Babela

I muri a‘e i te diluvi, e rave rahi tamarii ta te mau tamaiti a Noa. Ua rahi atura to ratou utuafare e ua haamata ratou i te parare i e rave rau tuhaa o te fenua. Tera hoi ta Iehova i faaue ia ratou.

Tera râ, aita vetahi mau utuafare i faaroo ia Iehova. Ua parau ratou: ‘E patu ana‘e i te hoê oire e e faaea ana‘e i reira. E patu tatou i te hoê pare teitei roa, ia nehenehe to ’na niaraa e tapae i te ra‘i. E riro ïa tatou ei taata tuiroo.’

 Aita roa ’tu Iehova i au i ta teie mau taata i rave. Ua faaoti atura oia i te tapea i ta ratou ohipa paturaa. Ua ite anei oe e ua nafea oia? Ua faahuru ê tauê oia i te reo o te taata. Aita ratou i taa faahou i te reo o te tahi atu. Ua faaea ïa ratou i te paturaa. Ua piihia te oire ta ratou i patu, o Babela. E “Arepurepu” ïa te auraa o tera i‘oa. Ua haamata te taata i te haere na te mau fenua atoa no te ora ’tu. Tera râ, ua tamau ratou i te rave i te ino i ta ratou mau vahi nohoraa apî. Te vai ra anei o tei tamau i te here ia Iehova? Ta tâua ïa e ite i to muri nei haapiiraa.

“Te taata hoi o te faateitei ia ’na, e faahaehaahia ïa. Te taata râ o te faahaehaa ia ’na, e faateiteihia ïa.”—Luka 18:14