Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

Omuaraa parau o te tuhaa 7

Omuaraa parau o te tuhaa 7

I roto i teie tuhaa, e itehia te aamu o te arii Saula e o te arii Davida, i roto e 80 matahiti. Na mua roa, ua faatupu Saula i te haehaa e ua mǎta‘u oia i te Atua. Ua taui oioi râ oia e ua patoi oia i te pee i te aratairaa a Iehova. Ua faarue Iehova ia ’na e i te taime tano, ua faaue oia ia Samuela ia faatahinu ia Davida ei arii no Iseraela. No to ’na pohehae, ua tamata Saula i te haapohe ia Davida e rave rahi taime. Aita roa ’tu râ Davida i tahoo atu. Ua ite Ionatana, te tamaiti a Saula, e ua maiti Iehova ia Davida. Ua vai taiva ore ïa oia ia Davida. Ua hara rahi Davida. A a‘o ai Iehova ia ’na, aita roa ’tu Davida i patoi i te reira. E metua anei oe? A tauturu i ta oe tamarii ia ite i te faufaaraa ia pee noa i te aratairaa a te Atua.

I ROTO I TEIE TUHAA

HAAPIIRAA 39

To Iseraela arii matamua

Ua horoa te Atua i te mau tavana no te faatere i to Iseraela. Ua hinaaro râ te nunaa i te hoê arii. Ua faatahinu Samuela ia Saula ei arii matamua. I muri a‘e râ, ua faarue Iehova ia Saula. No te aha?

HAAPIIRAA 40

Davida e Golia

Ua maiti Iehova ia Davida no te riro ei arii apî no Iseraela e ua faaite Davida no te aha mea maitai ia maitihia o ’na.

HAAPIIRAA 41

Davida e Saula

No te aha te riri nei hoê taata i te tahi atu e e eaha te huru o te taata tei ririhia?

HAAPIIRAA 42

Mea itoito e mea taiva ore o Ionatana

Ua riro te tamaiti a te arii ei hoa maitai no Davida.

HAAPIIRAA 43

Te hara a te arii Davida

E fifi rahi to muri mai i te hoê faaotiraa ino.