Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 99

Ua haapii mai te tiai o te hoê fare tapearaa i te parau mau

Ua haapii mai te tiai o te hoê fare tapearaa i te parau mau

I Philipi, i vai na te hoê tavini tamahine tei uruhia e te hoê demoni. Ua faaohipa te demoni i tera tamahine ei taata hi‘ohi‘o. Maoti oia i fana‘o ai ta ’na mau fatu i e rave rahi moni. A tae ai o Paulo raua Sila i Philipi, ua apee tera tamahine ia raua e rave rahi mahana. Ua turai te demoni ia ’na ia tuô: “E tavini teie na tane a te Atua Teitei.” I te pae hopea, ua parau o Paulo i te demoni: ‘I te i‘oa o Iesu, ia haere mai oe i rapae ia ’na!’ Ua faarue ihora te demoni i taua tamahine ra.

A taa ’i te mau fatu o tera tamahine e eita ratou e moni-faahou-hia maoti o ’na, ua riri roa ratou. Ua haru atura ratou ia Paulo raua Sila no te afai atu i mua i te mau tavana tivira, a na ô ai: ‘Aita tera mau taata e pee ra i te ture e te faahuehue ra raua i te oire taatoa!’ Ua faaue atura te mau tavana tivira ia tairi ia Paulo raua Sila e ia huri ia raua i roto i te fare tapearaa. Ua tuu te taata tiai ia raua i roto i te tuhaa hohonu e poiri roa ’‘e o te fare tapearaa e ua haamau atura oia i to raua na avae i roto i te raau.

Ua himene atura o Paulo raua Sila no te arue ia Iehova e ua faaroo te tahi atu feia tapeahia ia raua. I te tuiraa po, tupu taue atura te hoê aueueraa fenua puai mau e hautiuti atura te fare tapearaa taatoa. Ua matara ihora te mau uputa o te fare tapearaa. Oia atoa te mau fifi auri e te mau raau i tapea na i te mau taata. Ua horo atura te taata tiai i roto i te fare tapearaa e ua ite oia ua matara te mau uputa. Ua mana‘o oia e ua horo ê pauroa te feia tapeahia. Ua rave atura oia i ta ’na ‘o‘e no te haapohe ia ’na.

I taua iho â taime, ua tuô o Paulo: ‘Eiaha e haapohe ia oe! To ǒ nei matou pauroa!’ Horo atura te taata tiai i roto e topa turi ihora oia i mua ia Paulo raua Sila. Ua ani atura oia: “Ia aha vau e faaorahia ’i au?” Ua pahono atura raua: ‘E mea tia ia tiaturi oe e to oe utuafare ia Iesu.’ I muri iho, ua haapii atu o Paulo raua Sila ia ratou no nia i te parau a Iehova e ua bapetizohia te taata tiai e to ’na utuafare taatoa.

“E haruhia outou, e hamani-ino-hia, a tuuhia ’tu ai i mua i te sunago e i roto i te tapearaa. E aratohia outou i mua i te mau arii e te mau tavana no to ’u nei i‘oa. E riro ïa te reira ei ravea e tia ’i outou i mua ia ratou ei ite no ’u.”—Luka 21:12, 13