Eaha to roto?

Tapura tumu parau

 HAAPIIRAA 8

Ua faaroo Aberahama raua Sara i te Atua

Ua faaroo Aberahama raua Sara i te Atua

Aita i atea roa ia Babela, te vai ra te hoê oire, o Ura te iˈoa. E haamori te taata no Ura i e rave rahi atua, eiaha râ ia Iehova. Te vai ra râ hoê taata i Ura o tei haamori ia Iehova anaˈe. O Aberahama to ˈna iˈoa.

Ua parau Iehova ia Aberahama: ‘A faarue i to oe fare e to oe mau fetii e a haere i te fenua ta ˈu e faaite ia oe.’ I muri iho, ua fafau te Atua: ‘E riro oe ei nunaa rahi e na roto ia oe, e haamaitai au i e rave rahi taata na te fenua nei.’

Aita Aberahama i ite ihea Iehova e tono ai ia ˈna. Ua tiaturi râ oia ia Iehova. Ua faaineine ïa Aberahama, ta ˈna vahine o Sara, to ˈna papa o Tera e to ˈna fetii o Lota i ta ratou mau tauihaa. E ma te faaroo i te Atua, ua haamata ratou i to ratou tere atea.

 E 75 matahiti to Aberahama a tapae ai oia e to ˈna mau fetii i te fenua ta Iehova i fafau. Te iˈoa o tera fenua, o Kanaana ïa. I reira te Atua i paraparau ai ia Aberahama e i fafau ai: ‘Ua ite anei oe i tera fenua e haaati ra ia oe? E horoa ˈtu vau i te reira i ta oe mau tamarii.’ Tera râ, mea ruau o Aberahama raua Sara e aita e tamarii ta raua. E nafea ïa Iehova e faatupu i ta ˈna parau fafau?

“No te faaroo i auraro ai Aberahama . . . , a haere ai i te vahi ta [te Atua] i fafau e horoa no ˈna. Ua reva oia noa ˈtu e aita oia i ite i te vahi ta ˈna e haere ra.”—Hebera 11:8