Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 37

Ua paraparau Iehova ia Samuela

Ua paraparau Iehova ia Samuela

E piti tamaiti ta Eli, te tahu‘a rahi. Ua tavini raua ei tahu‘a i te sekene. O Hophini e o Phinehasa ïa to raua i‘oa. Aita raua i pee i te mau ture a Iehova e ua rave ino raua i nia i te nunaa. Ia pûpû to Iseraela i te mau tusia na Iehova, e rave Hophini e Phinehasa i te i‘o maitai roa ’‘e na raua. Ua ite ia Eli eaha ta ta ’na na tamaiti i rave. Aita râ Eli i a‘o ia raua. E vaiiho anei Iehova ia tupu noa te reira?

Noa ’tu mea apî a‘e Samuela ia Hophini e ia Phinehasa, aita oia i pee i to raua hi‘oraa. Ua au roa Iehova ia Samuela. I te hoê po, a taoto ai Samuela, ua faaroo oia i te hoê reo o tei pii ia ’na. Tia ’tura oia, horo atura oia ia Eli ra ma te parau: ‘Teie au!’ Na ô râ Eli: ‘Aita vau i pii ia oe. A haere e taoto.’ Ho‘i atura Samuela i roto i to ’na piha. Ua tupu faahou â râ te reira. A faaroo ai Samuela i te reo i te toruraa o te taime, ua ite ia Eli e o Iehova tei pii ia Samuela. Ua parau Eli ia Samuela ia faaroo faahou oia i te reo, e mea tia ia parau: ‘A faaite mai na, Iehova. Te faaroo ra to tavini.’

Ho‘i atura Samuela i roto i to ’na piha. E ua faaroo oia: ‘Samuela! Samuela!’ Pahono atura oia: ‘A faaite mai na, te faaroo ra to tavini.’ Ua parau atura Iehova ia ’na: ‘A parau ia Eli e e faautua vau ia ’na e i to ’na  utuafare. Ua ite oia e te rave ra ta ’na na tamaiti i te mau ohipa ino i roto i ta ’u sekene. Aita râ oia i a‘o ia raua.’ I te poipoi i muri iho, ua tatara Samuela i te mau opani o te sekene mai ta ’na i matau i te rave. Ua riaria oia i te faaite i te tahu‘a rahi eaha ta Iehova i parau ia ’na. Ua pii râ Eli ia ’na e ua ani atu: ‘Samuela, eaha ta Iehova i parau ia oe? Faaite mai na.’ Ua faaite atura Samuela pauroa i ta Iehova i parau.

A paari ai Samuela, ua tamau Iehova i te turu ia ’na. I to ’na fenua, ua ite te mau Iseraela atoa e ua maiti Iehova ia Samuela no te riro ei peropheta e ei tavana.

“E tena na, e haamana‘o i tei Hamani ia oe i to apîraa ra.”—Koheleta 12:1

No te ite atu â

A HAAPII I TO TAMARII

Ua rave noa Samuela i te mea tia

E nafea ia riro mai ia Samuela? Noa ’tu te ohipa ino a vetahi ê, e nafea ia rave noa i te mea tia?

A PEE I TO RATOU FAAROO

Paari noa mai ra Samuela i mua i te aro o Iehova

Eaha te mea taa ê mau i to Samuela tamarii-rii-raa? Maoti te aha i puai ai to ’na faaroo a vai ai oia i te sekene?