Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 52

Te nuu auahi a Iehova

Te nuu auahi a Iehova

Ua opua te arii no Arama, o Benehada to ’na i‘oa, i te aro ia Iseraela. I te mau taime atoa râ i hinaaro ai oia e na reira, ua faaara te peropheta Elisaia i te arii no Iseraela e ua nehenehe te arii e ora ’tu. Ua faaoti atura Benehada i te haru ia Elisaia. Ua ite ia Benehada e tei te oire o Dotana te peropheta e ua tono oia i te nuu Arama no te haru ia ’na.

Ua haere to Arama i Dotana i te po. I te poipoi i muri iho, ua haere te tavini a Elisaia i rapaeau e ua ite oia e ua haaatihia te oire e te hoê nuu rahi. Ua riaria roa oia e ua tuô: ‘Elisaia e, eaha te rave?’ Na ô atura Elisaia ia ’na: ‘Mea rahi a‘e tei ia tatou ra i tei ia ratou ra?’ I taua taime ra, maoti Iehova, ua ite te tavini a Elisaia e ua î roa te mau mou‘a ati a‘e i te oire i te mau puaahorofenua e i te mau pereoo puaahorofenua auahi.

Ua tamata te mau faehau Arama i te haru ia Elisaia. Ua pure râ Elisaia: ‘E Iehova e, ia matapohia ratou.’ I taua iho â taime, noa ’tu e ua nehenehe te mau faehau e ite, aita ratou i taa teihea roa ratou. Ua parau atura Elisaia i te mau faehau: ‘E ere i ǒ nei te oire tano. A pee mai ia ’u e e aratai  au ia outou i te vahi e vai ra te taata ta outou e imi ra.’ Ua pee ratou ia Elisaia e tae roa ’tu i Samaria, i reira te arii no Iseraela i ora ’i.

I reira to Arama i ite ai teihea roa ratou. Aita e taime faahou no te haere ê. Ua ani atura te arii no Iseraela ia Elisaia: ‘E haapohe anei au ia ratou?’ Ua faaohipa anei Elisaia i teie tupuraa no te tahoo i te feia tei tamata i te haapohe ia ’na? Aita. Ua parau Elisaia: ‘Eiaha e haapohe ia ratou. A horoa ’tu i te maa e a vaiiho ia ratou ia ho‘i i to ratou fenua.’ Ua faaineine ïa te arii i te hoê tamaaraa rahi no to Arama e i muri iho, ua ho‘i ratou i to ratou fare.

“Teie ta tatou e tiaturi ra i te Atua, noa ’tu eaha ta tatou e ani ia au i to ’na hinaaro, e faaroo mai o ’na.”—Ioane 1, 5:14

No te ite atu â

TE PARE TIAIRAA—HAAPIIRAA

Ua ite Elisaia i te pereoo auahi—E oe?

Ua faatupu Elisaia i te faaroo puai e ua tiaturi papu ia Iehova. Eaha te haapii mai i to ’na hi‘oraa?