Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 93

Ua ho‘i o Iesu i nia i te ra‘i

Ua ho‘i o Iesu i nia i te ra‘i

I Galilea, ua farerei Iesu i ta ’na mau pǐpǐ. Ua horoa ’tura oia ia ratou i te hoê faaueraa faufaa roa: ‘A haere e faariro i te taata o te mau nunaa atoa ei pǐpǐ na ’u. A haapii ia ratou i te mau mea atoa ta ’u i haapii atu ia outou e a bapetizo ia ratou.’ I muri iho, ua fafau oia: ‘A haamana‘o, tei pihai iho vau ia outou e a muri noa ’tu.’

E 40 mahana i muri a‘e i to ’na tia-faahou-raa, ua fa o Iesu i hanere o ta ’na mau pǐpǐ i Galilea e i Ierusalema. Ua haapii atu oia ia ratou i te mau haapiiraa faufaa roa e ua faatupu oia i e rave rahi semeio. I muri iho, ua farerei o Iesu i ta ’na mau aposetolo no te taime hopea i te mou‘a Oliveta. Ua na ô oia: ‘Eiaha e faarue ia Ierusalema. A tiai noa i ta te Metua i fafau mai.’

Aita ta ’na mau aposetolo i taa i te auraa o ta ’na i parau. Ua ani atura ratou: ‘I teie nei oe e riro ai ei Arii o Iseraela?’ Ua pahono atura o Iesu: ‘E ere te taime no Iehova no te faariro ia ’u ei Arii. Fatata outou i te noaa i te puai o te varua mo‘a e e riro outou ei ite no ’u. A haere e poro i Ierusalema, i Iudea, i Samaria e tae atu ai i te mau vahi atea roa ’‘e o te fenua.’

I muri iho, ua afaihia o Iesu i nia i te ra‘i e ua vehîhia oia e te hoê ata. Ua tamau te mau pǐpǐ i te hi‘o i te ra‘i. Ua mo‘e râ o Iesu.

Ua faarue te mau pǐpǐ i te mou‘a Oliveta no te haere i Ierusalema. Ua tamau ratou i te putuputu mai i te hoê piha i nia e i te pure. Ua tiai ratou i te taime e horoa ’i Iesu rahi atu â mau faaueraa.

“E porohia te parau apî oaoa o te Faatereraa arii e ati a‘e te fenua ia ite te mau nunaa atoa, i reira ïa te hopea e tae mai ai.”—Mataio 24:14

No te ite atu â

IESU TE E‘A, TE PARAU MAU, TE ORA

Ua hanere tei ite ia ’na hou te Penetekose

Mai to ’na faatiaraahia mai e reva noa ’tu ai oia i te ra‘i, ua haapapu noa Iesu i ta ’na mau pǐpǐ eaha ta ratou e fana‘o e nafea ia faaohipa i te reira.