Omuaraa parau o te tuhaa 12
Ua haapii Iesu i te mau taata no nia i te Faatereraa arii o te raˈi. Ua haapii atoa oia ia ratou ia pure ia moˈa to te Atua iˈoa, ia tae mai ta ˈNa Faatereraa arii e ia tupu to ˈNa hinaaro i te fenua nei. E metua anei oe? A faataa i ta oe tamarii eaha te auraa o tera pure no tatou. Aita Iesu i taiva aˈe noa ˈtu te tamataraa a Satani. Ua maiti Iesu i ta ˈna mau aposetolo e ua riro ratou ei mero matamua o te Faatereraa arii. A tapao na i to Iesu itoito rahi no te haamoriraa mau. Inaha ua hinaaro oia e tauturu ia vetahi ê, ua faaora Iesu i te feia maˈi, ua faatamaa oia i tei poia e ua faatia atoa oia i tei pohe. Maoti taua mau semeio atoa, ua faaite oia eaha ta te Faatereraa arii e rave no te huitaata.
I ROTO I TEIE TUHAA
HAAPIIRAA 75
Ua tamata te Diabolo ia Iesu
Ua tamata te Diabolo ia Iesu e toru taime. Eaha na tamataraa e toru? Nafea Iesu i pahono ai?
HAAPIIRAA 76
Ua tamâ o Iesu i te hiero
No te aha Iesu i tiahi ai i te mau animara i rapaeau i te hiero e i huri ai i te mau airaa maa a te feia taui moni?
HAAPIIRAA 77
Te vahine i te apoo pape
Ua huru ê te hoê vahine Samaria no te mea te paraparau ra Iesu ia ˈna. No te aha? Eaha ta Iesu e faaite ra i te vahine e ta ˈna i ore i faaite i te tahi noa ˈˈe taata?
HAAPIIRAA 78
Ua poro Iesu i te poroi no nia i te Faatereraa arii
Ua parau Iesu ia vetahi o ta ˈna mau pǐpǐ ia riro ei feia “ravaai taata.” I muri iho, ua faaineine oia e 70 o ta ˈna mau pǐpǐ no te poro i te hoê parau apî oaoa.
HAAPIIRAA 79
Ua faatupu o Iesu i e rave rahi semeio
I te mau vahi atoa e haere ra oia, e haere te feia maˈi e farerei ia ˈna no te ani i te tauturu e ia faaore oia i to ratou maˈi. Te faahoˈi atoa ra oia i te hoê tamahine iti i te ora.
HAAPIIRAA 80
Ua maiti Iesu i na aposetolo 12
No te aha te maiti nei oia ia ratou? Te haamanaˈo anei ra oe i to ratou mau iˈoa?
HAAPIIRAA 81
Te Aˈoraa i nia i te mouˈa
Te haapii nei Iesu i te mau haapiiraa faufaa i te hoê nahoa taata tei haaputuputuhia.
HAAPIIRAA 82
Ua haapii Iesu i ta ˈna mau pǐpǐ e nafea ia pure
Ua parau oia i ta ˈna mau pǐpǐ ia tamau i te ani i te aha?
HAAPIIRAA 83
Ua faatamaa o Iesu i na tausani taata
Maoti teie semeio, eaha ta tatou e haapii ra no nia ia Iesu e Iehova?
HAAPIIRAA 84
Ua haere o Iesu na nia i te miti
No oe, eaha te huru aau o te mau aposetolo a ite ai i taua semeio ra?
HAAPIIRAA 85
Ua faaora o Iesu i tei maˈihia i te Sabati
No te aha e ere pauroa te taata te oaoa ra no ta ˈna e rave ra?
HAAPIIRAA 86
Ua faatia o Iesu ia Lazaro
A ite ai o Iesu ia Maria i te taˈiraa, te haamata atoa ra oia i te taˈi. Oioi râ to ratou mauiui i te riro mai ei oaoa.
