Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

Omuaraa parau o te tuhaa 8

Omuaraa parau o te tuhaa 8

Ua haamaitai Iehova ia Solomona ma te horoa ’tu i te paari rahi e i te hoê fana‘oraa taa ê, oia hoi te paturaa i te hiero. Ua faarue mǎrû mai râ Solomona ia Iehova. E metua anei oe? A faataa i ta oe tamarii e nafea te feia haamori i te atua hape i faaatea ê ia Solomona i te Atua. Ua tatuhaahia te faatereraa. Ua turai te mau arii ino i te nunaa ia rave i te ohipa apotata e ia haamori i te mau idolo. I taua tau ra, e rave rahi peropheta taiva ore a Iehova tei hamani-ino-hia e tei haapohehia. Ua faatopa ’tu â te arii vahine Iezebela i te faatereraa apatoerau i roto i te ohipa apotata. E tau peapea mau te reira o te aamu o Iseraela. Tera râ, e rave rahi taata taiva ore i Iseraela tei tamau i te tavini ia Iehova, mai te arii Iehosaphata e te peropheta Elia.

I ROTO I TEIE TUHAA

HAAPIIRAA 44

Te hoê hiero no Iehova

Ua farii te Atua i te aniraa a te arii Solomona e ua horoa ’tu oia i te mau haamaitairaa taa ê.

HAAPIIRAA 45

Te hoê faatereraa tatuhaahia

E rave rahi taata no Iseraela tei faaea i te haamori ia Iehova.

HAAPIIRAA 46

Te hoê tamataraa i nia i te mou‘a Karemela

O vai te Atua mau? O Iehova anei aore ra o Baala?

HAAPIIRAA 47

Ua faaitoito Iehova ia Elia

No oe, e nehenehe atoa anei oia e faaitoito ia oe?

HAAPIIRAA 48

Ua faatiahia mai te tamaiti a te hoê vahine ivi i te ora

Ua faatupuhia e piti semeio i roto i taua noâ fare!

HAAPIIRAA 49

Ua faautuahia te hoê arii vahine ino mau

Ua opua Iezebela i te haapohe ia Nabota no te eiâ i ta ’na ô vine! Ua ite Iehova i ta ’na mau ohipa ino.

HAAPIIRAA 50

Ua paruru Iehova ia Iehosaphata

Ua pure te arii maitai o Iehosaphata i te Atua i te taime te mau nunaa enemi i opua ’i i te aro ia Iuda.