Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 6

E va‘u taata tei faaorahia mai

E va‘u taata tei faaorahia mai

Ua haere Noa, to ’na utuafare e te mau animara i roto i te araka. Ua tamau atura Iehova i te opani e ua haamata ’tura te ûa i te topa. No te puai o te ûa i haamata ’i te araka i te tere. I te pae hopea, ua î roa te fenua i te pape. I rapaeau i te araka, ua pohe te feia ino atoa. I roto râ i te araka, ua ora mai Noa e to ’na utuafare. A feruri na i to ratou oaoa rahi no te mea ua faaroo ratou ia Iehova.

Ua ûa e 40 po e e 40 ao i te maoro. I muri iho, ua mau te ûa. Ua iti mǎrû noa mai te pape. I te pae hopea, ua mau te araka i nia i te mou‘a. Tera râ, e rave rahi noâ pape i nia i te fenua. Aita ïa Noa e to ’na utuafare i nehenehe e haere i rapae i te araka i tera taime.

Mǎrû noa mai te fenua i te mǎrô. Ua vai Noa e to ’na utuafare i roto i te araka hoê matahiti i te maoro. I muri iho, ua parau atu Iehova e e nehenehe ratou e haere i rapae i te araka no te ora i roto i te hoê ao aita faahou e feia ino. Ua mauruuru roa ratou no te mea ua faaora Iehova ia ratou. E ua faaite ratou i te reira ma te pûpû i te hoê tusia na Iehova.

Ua oaoa Iehova no tera tusia. Ua fafau Iehova e aita roa ’tu oia e haamou faahou i te mau mea atoa i nia i te fenua nei ma te faaohipa i te diluvi. No te haapapu i tera parau fafau, ua faatupu oia i te anuanua matamua i roto i te ra‘i. Ua ite ê na anei oe i te hoê anuanua?

Ua parau atoa Iehova ia Noa e i to ’na utuafare ia tamariihia e ia faaî i te fenua.

“E tae roa i te mahana i tomo ai Noa i roto i te araka, e aita [te taata] i tâu‘a e tae noa mai ai te diluvi e mou atura ratou paatoa.”—Mataio 24:38, 39

No te ite atu â

A PEE I TO RATOU FAAROO

Noa: ‘Ua au to ’na haerea i te Atua’

I titauhia na ia paruru Noa e ta ’na vahine i ta raua mau tamaroa i te aha? No te aha i titauhia ’i ia faatupu ratou i te faaroo no te hamani i te araka?