Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

Omuaraa parau o te tuhaa 2

Omuaraa parau o te tuhaa 2

No te aha Iehova i faatupu ai i te diluvi o tei haapohe i te taata o taua tau ra? I te omuaraa iho â o te aamu o te taata, ua haamata te hoê aroraa i rotopu i te maitai e te ino. Ua maiti vetahi mau taata i te pae o te ino mai ia Adamu, Eva e ta raua tamaiti o Kaina. Mea iti râ te taata tei maiti i te pae o te maitai mai ia Abela e Noa. Ua ino roa te rahiraa o te taata. No reira Iehova i hinaaro ai ia mou tera ao ino. Maoti teie tuhaa, e haapii mai tatou e ua ite Iehova eaha te pae ta tatou e maiti e eita roa ’tu oia e vaiiho i te ino ia upootia i nia i te maitai.

I ROTO I TEIE TUHAA

HAAPIIRAA 3

Aita Adamu raua Eva i faaroo i te Atua

No te aha mea taa ê ai hoê o te mau tumu raau i roto i te ô i Edene? No te aha Eva i amu i te hotu o tera tumu raau?

HAAPIIRAA 4

No to ’na riri i taparahi haapohe ai oia i to ’na taeae

Ua farii te Atua i te tusia o Abela eiaha râ i to Kaina. A ite ai Kaina i te reira, ua riri rahi oia e ua rave oia i te hoê ohipa ino mau.

HAAPIIRAA 5

Te araka a Noa

I faaipoipo na te mau melahi ino i te mau vahine i nia i te fenua, ua riro ta ratou mau tamarii ei aito ino mau. Ua î roa te fenua i te ino. Mea taa ê râ o Noa. Ua here e ua faaroo oia i te Atua.

HAAPIIRAA 6

E va‘u taata tei faaorahia mai

I te diluvi, ua ûa 40 rui e 40 ao. Ua vai Noa e to ’na utuafare i roto i te araka hau atu hoê matahiti i te maoro. I te pae hopea, ua nehenehe ratou e haere i rapae i te araka.