Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 103

“Ia tae mai ta oe Faatereraa arii”

“Ia tae mai ta oe Faatereraa arii”

Ua fafau Iehova: ‘E ore roa te auê, te mauiui, te ma‘i e te pohe. E tamǎrô vau i te mau roimata atoa o to ratou mata. E ore roa te mau mea tahito ino mau.’

Ua tuu Iehova ia Adamu raua Eva i roto i te ô i Edene ia ora raua i roto i te hau e te oaoa. E mea titauhia ia haamori raua i to raua Metua i te ra‘i e ia faaî i te fenua e ta raua mau tamarii. Ua faaroo ore râ o Adamu raua Eva ia Iehova. Aita roa ’tu râ ta ’Na opuaraa i taui. I roto i teie buka, ua ite tâua e e tupu iho â te mau parau fafau atoa a Iehova. Maoti ta ’na Faatereraa arii, e itehia te mau haamaitairaa faahiahia mau i nia i te fenua nei, mai ta ’na i fafau ia Aberahama.

Eita e ite-faahou-hia o Satani, ta ’na mau demoni e te feia ino atoa. Fatata roa te reira i te tupu. E haamori te taatoaraa o te ora i nia i te fenua e i te ra‘i ia Iehova. Eita tatou e roohia i te ma‘i aore ra e pohe. Tera râ, e oraora maitai tatou i te mau mahana atoa e e oaoa tatou i te  ora. E riro te fenua ei paradaiso. E fana‘o te mau taata atoa i te maa au mau e i te nohoraa papu. Eita te mau taata e hamani ino aore ra e taparahi i te tahi atu. E mau taata maitai noa râ. Eita te mau animara taehae e riaria ia tatou e eita tatou e riaria ia ratou.

E oaoa atoa tatou a ite ai ia Iehova i te faatia faahou mai i tei pohe. E farii tatou i te feia o te tau tahito, mai ia Abela, Noa, Aberahama, Sara, Mose, Ruta, Esetera e Davida. E tauturu mai ratou ia faariro i te fenua ei paradaiso. E rave rahi ohipa faahiahia ta tatou e rave.

Te hinaaro nei Iehova ia fana‘o oe i te reira. E matau atu â oe ia ’na na roto i te mau ravea aita oe i mana‘o a‘enei. Ia haafatata ’tu â tatou ia Iehova i te mau mahana atoa, i teie nei â e a muri noa ’tu!

“E au roa ia faahanahanahia e ia faateiteihia oe Iehova to matou Atua puai, no te mea na oe i poiete i te mau mea atoa.”—Apokalupo 4:11

No te ite atu â

PARAU APÎ OAOA A TE ATUA

Eaha te Basileia o te Atua?

O vai te Arii o te Faatereraa arii a te Atua e eaha ta ’na e faatupu?