Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

 HAAPIIRAA 90

Ua pohe o Iesu i Gologota

Ua pohe o Iesu i Gologota

Ua afai te mau tahu‘a rarahi ia Iesu i te aorai o Pilato, te tavana. Ua ani atura o Pilato ia ratou: ‘Eaha te ohipa ino ta tera taata i rave?’ Ua pahono ratou: ‘Ua parau oia e e arii oia!’ Ua ani atura Pilato ia Iesu: “O oe te Arii o te ati Iuda?” Ua pahono atura Iesu: “E ere ta ’u Faatereraa arii no teie nei ao.”

I muri iho, ua afai Pilato ia Iesu i mua ia Heroda, te tia faatere o Galilea, no te ite e ohipa ino anei ta Iesu i rave. Aita Heroda i ite noa ’‘e i te tahi ohipa ino a Iesu. Ua faaho‘i atura oia ia Iesu i mua ia Pilato. I muri iho, ua parau Pilato i te nunaa: ‘Aita o Heroda e o vau atoa i ite noa ’‘e i te tahi hara a tera taata. E faatiamâ vau ia ’na.’ Ua tuô atura te nahoa taata: ‘A haapohe ia ’na! A haapohe ia ’na!’ Ua tairi te mau faehau ia Iesu e te hoê hui, ua tutuha ratou i nia ia ’na e ua taparahi ratou ia ’na. Ua tuu ratou i te hoê hei taratara i nia i to Iesu upoo e ua faaooo ratou ia ’na ma te parau: ‘Ia ora na te Arii o te ati Iuda.’ Ua parau faahou o Pilato i te nahoa taata: ‘Aita vau i ite noa ’‘e i te tahi hara a teie taata.’ Ua tuô râ ratou: “I nia i te pou!” Ua tuu atura o Pilato ia Iesu i te mau faehau ia haapohehia oia.

Ua afai ratou ia Iesu i te hoê vahi parauhia Gologota. Ua patiti ratou ia ’na i nia i te hoê pou e ua faatia ratou i te reira. Ua pure Iesu: ‘To ’u Metua e, a faaore i ta ratou mau hapa, inaha aita ratou e ite ra i ta ratou e rave ra.’ Ua faaooo te mau taata ia Iesu ma te parau: ‘Mai te peu e o oe te Tamaiti a te Atua, a pou mai ïa i raro i tena pou! A faaora ia oe iho!’

Ua na ô atura hoê o na taata ohipa ino tei patitihia i pihai iho ia ’na: “Haamana‘o mai oe ia ’u ia tae oe i roto i ta oe Faatereraa arii.” Ua fafau Iesu ia ’na: “Ei te paradaiso oe e o vau atoa.” I te taperaa mahana, ua poirihia mai te fenua e toru hora i te maoro. I vai na vetahi o te mau pǐpǐ i pihai iho i te pou. Oia atoa o Maria, te metua vahine o Iesu. Ua faaue Iesu ia Ioane ia haapao ia Maria, mai te huru ra e o to ’na atoa metua vahine.

I te pae hopea, ua parau Iesu: “Ua hope ia ’u i te rave i ta oe i ani mai!” Ua pi‘o ihora to ’na upoo i raro e ua pohe atura oia. I taua taime ra, ua tupu te hoê aueueraa fenua puai mau. I roto i te hiero, ua mahae te  paruru teiaha tei faataa ê te Vahi Mo‘a i te Vahi Mo‘a Roa. Ua parau atura te hoê raatira faehau: ‘O te Tamaiti a te Atua iho â teie.’

“Rahi noa ’tu â hoi te mau parau fafau a te Atua, ua riro ana‘e ïa ei ‘e’ na roto ia Iesu.”—Korinetia 2, 1:20

No te ite atu â

IESU TE E‘A, TE PARAU MAU, TE ORA

Iteraa Pilato e Heroda aita ta Iesu e hara

No te aha Pilato e tono ai ia Iesu ia Heroda ra ia haavahia oia? Aita anei to ’na e mana no te haava ia Iesu?

IESU TE E‘A, TE PARAU MAU, TE ORA

Parauraa Pilato: “Teie taua taata ra!”

Ua faahiahia roa atoa Pilato i mua i te mau huru maitatai ta Iesu i faaite.

IESU TE E‘A, TE PARAU MAU, TE ORA

Mauiuiraa hoê arii aita ta ’na e hara i nia i te pou

E fafau Iesu i te hoê taata ohipa ino tei haapohehia e o ’na i te hoê parau te tupu a muri a‘e roa.

IESU TE E‘A, TE PARAU MAU, TE ORA

“O te Tamaiti a te Atua iho â teie taata”

E haapapu te poiri-semeio-raa te mahana, te aueueraa fenua rahi e te mahaeraa te paruru o te hiero e o Iesu te Tamaiti a te Atua.

PARAU APÎ OAOA A TE ATUA

No te aha Iesu i pohe ai?

Te haafaufaa rahi ra te Bibilia i to Iesu pohe. E tumu anei i pohe ai oia?