Eaha to roto?

Mau faaho'iraa ê

Tapura tumu parau

Ite no Iehova

Tahiti

Ta ’u e haapii no roto mai i te Bibilia

Omuaraa parau o te tuhaa 6

Omuaraa parau o te tuhaa 6

I tapae na to Iseraela i te Fenua tǎpǔhia, ua riro te sekene ei pû o te haamoriraa mau. Ua haapii atu te mau tahu‘a i te ture a Mose e ua aratai te mau tavana i te nunaa. I roto i teie tuhaa, e itehia te faahopearaa o te mau faaotiraa e ohipa a te hoê taata i nia ia vetahi ê. E hopoia to te mero taitahi o te nunaa Iseraela i mua ia Iehova e i mua i to ’na taata tupu. A haapapu i te mau faahopearaa o te mau ohipa a Debora, Naomi, Iosua, Hana, te tamahine a Iepheta, oia atoa o te mau ohipa a Samuela i nia i te tahi atu. A haafaufaa e ua faaoti atoa vetahi mau taata e ere i te Iseraela i te apiti i te nunaa Iseraela. O Rahaba, Ruta, Iaela e to Gibeona ïa. Ua na reira ratou no te mea ua ite ratou e ua turu te Atua i teie nunaa.

I ROTO I TEIE TUHAA

Ua maiti Iehova ia Iosua

Ua horoa te Atua i te mau faaueraa ia Iosua o te tauturu atoa ra ia tatou i teie mahana.

Ua faatapuni Rahaba i na taata hi‘o e piti

Ua parari atura te mau patu o te oire. Tei nia i te patu hoi to Rahaba fare. Aita râ te reira i parari.

Iosua e te feia no Gibeona

Ua pure Iosua i te Atua ma te parau: “Ia mau te mahana!” Ua pahono anei te Atua?

Te hoê aratai apî e e piti vahine itoito

I muri a‘e i to Iosua poheraa, ua haamata to Iseraela i te haamori i te mau idolo. Fifihia te oraraa. Ua fana‘o râ ratou i te tauturu no ô mai i te tavana Baraka, te peropheta vahine Debora e ia Iaela e ta ’na tǐtǐ tiahapa!

Ruta raua Naomi

Ua ho‘i na vahine ivi i Iseraela. O Ruta, hoê o na vahine. Ua ohipa oia i roto i te mau faaapu. I reira Boaza i ite ai ia ’na.

Ua upootia Gideona i nia i to Midiana

I muri a‘e i to Midiana haafifiraa i to ratou oraraa, ua taparu to Iseraela i te tauturu a Iehova. E nafea te nuu iti a Gideona i upootia ’i i nia i na faehau enemi e 135 000?

Ua ani Hana ia Iehova i te hoê tamaiti

Ua aratai Elikana ia Hana, Penina e to ’na utuafare i te sekene i Silo no te haamori atu i te Atua. I ǒ, ua ani Hana ia Iehova i te hoê tamaiti. Hoê matahiti i muri iho, ua fanau oia ia Samuela!

Ta Iepheta i euhe

Eaha ta Iepheta i euhe e no te aha? Eaha te huru o ta Iepheta tamahine a ite ai oia i te euhe a to ’na metua tane?

Ua paraparau Iehova ia Samuela

Ua ohipa na tamaiti a Eli te tahu‘a rahi ei tahu‘a i te sekene. Aita râ raua i faaroo i te mau ture a te Atua. Mea taa ê râ te tamaroa Samuela e ua paraparau Iehova ia ’na.

Maoti Iehova i puai mai ai Samasona

Maoti Iehova i puai mai ai Samasona no te aro i to Philiseti. Ua rave râ oia i te hoê faaotiraa ino e ua haru to Philiseti ia ’na.