Ilezi 99:1-9
99 Jihova o zihe ruọ Ovie no.+ Jọ ahwo na a nuhu.
Ọ keria agbara-uvie evaọ ehru* chẹrub na.+ Jọ otọakpọ na u nuhu.
2 Jihova ọ rrọ ruaro evaọ Zayọn,Yọ o kpehru vi ahwo na kpobi.+
3 Jọ a jiri odẹ ulogbo ra,+Keme u re mu ọwhewhe, o tẹ jẹ rrọ ọrẹri.
4 Ọyomariẹ yọ ovie ologbo nọ o you uvioziẹ.+
Ọ rehọ oware nọ u kiete dikihẹ kothi no.
Ọ wha uvioziẹ gbe ẹrẹreokie+ ziọ uwou Jekọp no.
5 Wha jiri Jihova Ọghẹnẹ mai+ re wha guzou kpotọ* evaọ aro akpala nọ ọ rẹ rọ awọ riẹ kpahe;+Ọrẹri ọ rrọ.+
6 Mosis avọ Erọn a jọ usu izerẹ riẹ,+Samuẹle ọ jọ usu enọ i je se odẹ riẹ.+
A jẹ hai bo se Jihova,Yọ ọ jẹ hai yo kẹ ae.+
7 Ọ jẹ hae ta ẹme kẹ ae no ukulu ẹgho* ze.+
A ru lele ekareghẹhọ riẹ gbe oware nọ o jie uzi riẹ kẹ ae.+
8 O Jihova Ọghẹnẹ mai, who yo kẹ ae.+
Whẹ yọ Ọghẹnẹ nọ ọ rọvrẹ rai,+Rekọ whọ kẹ rai uye* fiki eware iyoma nọ a ru.+
9 Wha jiri Jihova Ọghẹnẹ mai+Re wha guzou kpotọ* evaọ aro ugbehru ọrẹri riẹ,+Keme Jihova Ọghẹnẹ mai ọrẹri.+
Eme-Obotọ
^ Hayo o sae jọ nọ, “udevie.”
^ Hayo “jẹ gọe.”
^ Evaọ Hibru, “ipila ẹgho.”
^ Evaọ Hibru, “who ru rai kele.”
^ Hayo “gọe.”
