Ilezi 23:1-6

  • “Jihova họ Othuru-igodẹ nọ ọ be rẹrote omẹ”

    • “Oware ovo o te kare omẹ hẹ” (1)

    • “Ọ rẹ sasa omẹ oma” (3)

    • “Who ku egho mẹ vọ kokoko” (5)

Ole Devidi. 23  Jihova họ Othuru-igodẹ nọ ọ be rẹrote omẹ.+ Oware ovo o te kare omẹ hẹ.+  2  Ọ rẹ rehọ omẹ kpohọ oria nọ ẹbe ọrọrọ ọ vọ nyai kiẹzẹ;O re su omẹ kpohọ eria nọ ame ọ vọ nọ a rẹ jọ serihọ.*+  3  Ọ rẹ sasa omẹ* oma.+ O re su omẹ nya idhere* ẹrẹreokie fiki odẹ riẹ.+  4  Mẹ tẹ make be nya evaọ ukiekpotọ ebi ọlala dede,+Mẹ rẹ dhozọ enwoma evo ho,+Keme whọ rrọ kugbe omẹ;+Ọkpọ ra avọ umure ra e be kẹ omẹ uduotahawọ.*  5  Whọ ruẹrẹ emu fihọ ehru emẹjẹ kẹ omẹ evaọ iraro ewegrẹ mẹ.+ Who ku ewhri họ* omẹ uzou;+Who ku egho mẹ vọ kokoko.+  6  Evaọ uzẹme, ewoma gbe uyoyou nọ o rẹ hiẹ hẹ i ti lele omẹ evaọ edẹ uzuazọ mẹ kpobi,+Yọ mẹ te rria uwou Jihova evaọ edẹ uzuazọ mẹ kpobi.+

Eme-Obotọ

^ Hayo o sae jọ nọ, “eria nọ ame riẹ ọ rrọ rirẹ.”
^ Evaọ Hibru, “nifẹsh mẹ.” Rri oria Otofa Eme.
^ Evaọ Hibru, “idhere owọ-ovo erọ.”
^ Hayo “e be sasa omẹ oma.”
^ Hayo “Whọ rehọ ewhri wholo.”

Copyrights for this publication