Kpohọ eme nọ e riẹ eva

Kpohọ oria izoẹme

 ONỌ AVỌ 2

Ẹvẹ Whọ Sai ro Wuhrẹ Kpahe Ọghẹnẹ?

“Obe Uzi nana u re no unu ra ha, yọ o gbahọ nọ whọ rẹ rọ unu kpotọ sei te aso te uvo, re whọ sae romatotọ koko eware kpobi nọ a kere fihọ iẹe; ẹsiẹe eware e te riẹ nya kẹ owhẹ, who ve ti je ru eware avọ areghẹ.”

Joshua 1:8

“A tẹ ruabọhọ je se no obe na ze do via, ro no Uzi Ọghẹnẹ uzẹme na ze, bi ru ei vẹ ziezi jẹ fa otọ riẹ; a tẹ rọ ere fiobọhọ kẹ ahwo na wo otoriẹ eware nọ a je se na.”

Nehemaya 8:8

“Jọ eva e were ohwo nọ ọ rẹ nya lele ohrẹ irumuomu hu . . .  rekọ uzi Jihova o rẹ were iẹe, yọ ọ rẹ rọ unu kpotọ se uzi Riẹ te aso te uvo. . . . Oware kpobi nọ o ru u re woma kẹe.”

Olezi 1:1-3

“Filip ọ tẹ dhẹ tei oma, o te yo nọ ọzae na o bi se eruẹaruẹ Aizaya do via, ọ tẹ nọe nọ: ‘Kọ whọ ginẹ riẹ oware nọ who bi se na?’ Ọ tẹ ta nọ: ‘Kọ ẹvẹ mẹ sae rọ riẹe ajokpanọ ohwo jọ o fiobọhọ kẹ omẹ?’”

Iruẹru Ikọ 8:30, 31

 “Dede nọ a rẹ ruẹ Ọghẹnẹ hẹ, no anwọ okenọ ọ rọ ma akpọ na ze ahwo a be sai wo otoriẹ oghẹrẹ nọ ọ rrọ, a be jọ eware nọ ọ ma ruẹ onana, makọ ogaga ebẹdẹ riẹ gbe inọ ọye họ Ọghẹnẹ, fikiere a wo unoma ha.”

Ahwo Rom 1:20

“Romatotọ roro kpahe eware nana; rọ oma kpobi kẹ ae, re ahwo kpobi a sae ruẹ ẹnyaharo ra vevẹ.”

1 Timoti 4:15

“Joma roro kpahe ohwohwo re ma sai ru ohwohwo dhesẹ uyoyou je ru iruo iwoma, ma re gbabọkẹ omakokohọ mai hi.”

Ahwo Hibru 10:24, 25

“Otẹrọnọ ohwo jọ evaọ usu rai o wo areghẹ tere he, jọ ọ hae yare Ọghẹnẹ, keme ọ rẹ kẹ ahwo kpobi no eva ze buobu, yọ ọ rẹ poviẹ ohwo ho, ọ te rehọ iẹe kẹe.”

Jemis 1:5