Ilezi 44:1-26

  • Olẹ kẹ obufihọ

    • “Whẹ họ ọnọ o siwi omai” (7)

    • “Wọhọ igodẹ nọ a re kpe” (22)

    • “Kparoma, keme whẹ họ ofiobọhọ mai!” (26)

Ro se ọnọ o wuzou ile na. Orọ emezae Kora.+ Maskil.* 44  O Ọghẹnẹ, ma rọ ezọ mai yo no,Esẹ-esẹ mai a gbiku kẹ omai,Kpahe eware nọ who ru evaọ oke rai,+Evaọ oke krẹkri nọ u kpemu.   Whọ rọ obọ ra le erẹwho vrẹ+Who te fi esẹ-esẹ mai họ etẹe.+ Whọ whọlọ erẹwho buobu je le ai no.+   Orọnikọ ọgbọdọ obọrai a rọ rehọ ẹkwotọ na ha,+Yọ orọnikọ ugbobọ rai a ro fi kparobọ họ.+ Rekọ, ẹkwoma obọze ra gbe ugbobọ ra+ gbe elo ovao ra,Keme who you rai.+   Whẹ họ Ovie mẹ, O Ọghẹnẹ;+Ta nọ jọ Jekọp o fi kparobọ riẹriẹriẹ.*   Ma te rọ ogaga ra le ewegrẹ mai zihe;+Ma te rọ odẹ ra thihi enọ e be kpareso omai nyaotọ.+   Keme me fievahọ uze mẹ hẹ,Yọ ọgbọdọ mẹ ọ sai siwi omẹ hẹ.+   Whẹ họ ọnọ o siwi omai no obọ ewegrẹ mai,+Whẹ họ ọnọ o ru oma vuọ enọ i mukpahe omai.   Ma ti jiri Ọghẹnẹ kẹse kẹse,*Yọ ma ti jiri odẹ ra bẹdẹ bẹdẹ. (Silah)   Rekọ obọnana, who gbolo omai kufiẹ je kpomovuọ họ omai oma no,Yọ who bi lele egbaẹmo mai kpohọ ẹmo ho. 10  Who ru nọ ma be hai ro kuomarẹriẹ dhẹ kẹ ọwegrẹ mai;+Enọ i mukpahe omai a be rehọ eware mai kpobi nọ a gwọlọ. 11  Who siobọno omai re a kpe omai no wọhọ igodẹ;Whọ vaha omai fihọ erẹwho sa-sa.+ 12  Whọ zẹ ahwo ra enwenọ ọvọvẹ;+Who wo erere ọvo ho nọ whọ zẹ ae na.* 13  Who ru nọ ahwo okegbe mai a be rọ poviẹ omai,Enọ e wariẹ omai họ kpobi a bi se omai ẹkoko jẹ be hwẹ omai. 14  Who ru omai fihọ ahwo nọ a re ro jijehwẹ* evaọ udevie erẹwho na,+Enọ ahwo a rẹ ruẹ a ve nuhu uzou.* 15  Oma o be vuọ omẹ ẹsikpobi,*Oma o be vuọ omẹ gholo gholo, 16  Nọ me te yo ẹkoko gbe ekela rai,Fiki ọwegrẹ mai nọ o bi ru omai kele. 17  Eware nana kpobi e via kẹ omai, ghele na whọ thọrọ omai ẹro ho,Yọ ma raha ọvọ ra ha.+ 18  Ma jọ udu mai nyase owhẹ ba ha;Ithihi mai i ghoro no edhere ra ha. 19  Rekọ whọ whọlọ omai fihọ otọ evaọ oria nọ ikozi e be rria;Whọ rọ ebi ọlala ruru omai. 20  Otẹrọnọ odẹ Ọghẹnẹ mai o thọrọ omai ẹro,Hayo otẹrọnọ ma kpare abọ mai lẹ se ọghẹnẹ orẹwho ọfa jọ, 21  Kọ Ọghẹnẹ ọ gbẹ te riẹ onana? Ọ riẹ eware nọ i dhere nọ e rrọ udu ohwo.+ 22  Fiki ra ma be rọ rẹriẹ ovao dhe uwhu kẹse kẹse;A rehọ omai wọhọ igodẹ nọ a re kpe.+ 23  Kparoma. Fikieme whọ gbẹ be rọ wezẹ, O Jihova?+ Rọwo ze! Who gbolo omai kufiẹ bẹdẹ bẹdẹ hẹ.+ 24  Fikieme whọ rọ kuọ ovao ra dhere? Fikieme whọ gbẹ be daezọ oja-oriọ mai gbe okienyẹ mai hi? 25  Keme a gele omai* fihọ ẹkpẹ no;A thihi ugboma mai nyaotọ no.+ 26  Kparoma, keme whẹ họ ofiobọhọ mai!+ Thọ* omai fiki uyoyou ra nọ o rẹ hiẹ hẹ+ na.

Eme-Obotọ

Rri oria Otofa Eme.
Hayo “Kẹ Jekọp esiwo ologbo.”
Hayo “evaọ okpẹdoke na soso.”
Hayo “evaọ unuigho nọ whọ zẹ rai na.”
Evaọ Hibru, “fihọ ohare.”
Hayo “kpehe uzou.”
Hayo “evaọ okpẹdoke na soso.”
Evaọ Hibru, “nifẹsh mai.” Rri oria Otofa Eme.
Evaọ Hibru, “Ta.”