Ilezi 48:1-14
Ole. Olezi emezae Kora.+
48 Jihova ọ rrọ ruaro yọ ọye ọ mai fo ejiroEvaọ okpẹwho Ọghẹnẹ mai, evaọ ugbehru ọrẹri riẹ.
2 U wo erru gaga evaọ oria ukpehru nọ o rrọ na, oghọghọ rọkẹ otọakpọ na soso,+Ere Ugbehru Zayọn nọ o rrọ obọ ẹkpẹlobọ ovatha-ọre thethabọ na o rrọ,Okpẹwho Ovie Ologbo na.+
3 Evaọ iwou ikpehru nọ e rẹ bẹ ẹvẹruọ na,Ọghẹnẹ o dhesẹ via no inọ ọyomariẹ yọ oria adhẹzọ* nọ o foma.+
4 Keme rri! ivie i kokohọ;*Aikpobi a tẹ wọ ze.
5 Nọ a ruẹ e riẹ, akpọ o te gbe ai unu.
Iguegue e tẹ ruọ ae oma, a tẹ dhẹ avọ ozọ.
6 A te bi nuhu kpakpakpa evaọ etẹe,Avọ ẹrova wọhọ aye nọ o bi yẹ.
7 Whọ rehọ ofou obọ ovatha-ọre zue ekọ ilogbo Tashish.
8 Oware nọ ma yo kpahe na, oye ma rọ ẹro mai ruẹ no naEvaọ okpẹwho Jihova olori egbaẹmo na, evaọ okpẹwho Ọghẹnẹ mai.
Ọghẹnẹ ọ te rehọ iẹe dikihẹ kothi bẹdẹ bẹdẹ.+ (Silah)
9 Ma romatotọ roro kpahe uyoyou ra nọ o rẹ hiẹ hẹ na, O Ọghẹnẹ,+Evaọ etẹmpol ra.
10 Wọhọ odẹ ra, O Ọghẹnẹ, ere ujiro raU te oka avọ oka otọakpọ na.+
Obọze ra o vọ avọ ẹrẹreokie.+
11 Jọ Ugbehru Zayọn+ o ghọghọ,Jọ ewho esese* Juda e ghọghọ fiki iziẹibro ra.+
12 Nya Zayọn wariẹ họ; nya omariẹ kpobi wariẹ họ;Kele iwou ikpehru riẹ.+
13 Romatotọ rri* ogba* riẹ.+
Nabi rri iwou ikpehru riẹ nọ e rẹ bẹ ẹvẹruọ,Re whọ ruẹsi gbiku riẹ kẹ ige nọ e be tha.
14 Keme Ọghẹnẹ nana họ Ọghẹnẹ mai+ bẹdẹ bẹdẹ.
O ti su omai bẹdẹ bẹdẹ.*+
