Ilezi 65:1-13
Ro se ọnọ o wuzou ile na. Olezi Devidi. Ole.
65 Ma ti jiri owhẹ evaọ Zayọn,+ O Ọghẹnẹ;Ma ti ru eyaa nọ ma ya kẹ owhẹ gba.+
2 O Ọnọ o re yo olẹ, whẹ họ ọnọ oghẹrẹ ahwo* kpobi a rẹ nyabru ze.+
3 Iruthọ mẹ i bu vi omẹ oma,+Rekọ whọ be rọ izieraha mai vrẹ omai.+
4 Jọ eva e were ohwo nọ whọ salọ je si te omaRe ọ rria ighẹ ra.+
Eware iwoma nọ e rrọ uwou ra e te vọ omai eva,+Enọ e rrọ etẹmpol ọrẹri* ra.+
5 Who ti yo kẹ omai who ve ti ru eware nọ i kiẹrẹe nọ i re mu ọwhewhe,+O Ọghẹnẹ esiwo mai;Whẹ họ Ọnọ akpọ soso o fievahọ+Te enọ e rrọ ugbothabọ evaọ abọdekọ abade.
6 Whọ rọ* ẹgba ra rehọ igbehru na vi kothi;Whọ rehọ* ogaga gọ omara ẹgọ.+
7 Who ru* ẹvohẹ ebade serihọ,+Ẹkporo rai nọ ọ be wọ fi na gbe ẹvohẹ erẹwho na.+
8 Eware eka nọ who ru i ti mu enọ e be rria eria ithethabọ ọwhewhe;+Who ti ru enọ e rrọ obọ ovatha-ọre rite obọ ukiediwo-ọre bo ubo oghọghọ.
9 Whọ be rẹrote otọakpọ na,Who bi ru ei mọ ibi buobu,* je wou eware gaga.+
Oko-ame nọ o no obọ Ọghẹnẹ ze ọ vọ avọ ame;Whọ be kẹ ae emu,*+Keme ere whọ ruẹrẹ otọakpọ na họ.
10 Who ku ame vọ udevie ikuele ithethei riẹ re ọ fa ẹkpẹ riẹ nọ a kporo na;*Who ru oso rrọ fihọ iẹe re o lọhọ; who ru eware nọ e be dhẹ noi ze woma.+
11 Who ku eghale ra buobu ku ukpe na;*Emamọ eware e vọ idhere ra be kpọhọhwẹ.*+
12 Etọ nọ erao e rẹ jọ re ẹbe evaọ udhude na e be vọ kpọhọhwẹ,*+Yọ a rehọ oghọghọ gọ ikpehru na ẹgọ.+
13 Ithuru erao e vọ ẹbe na,Ikiekpotọ* na soso e vọ avọ ekakọ.+
A bo ubo oghọghọ, ẹhẹ, a so ole.+
Eme-Obotọ
^ Evaọ Hibru, “uwo.”
^ Hayo “oria aruẹri.”
^ Evaọ Hibru, “Ọ rehọ.”
^ Evaọ Hibru, “Ọ rehọ.”
^ Evaọ Hibru, “O ru.”
^ Evaọ Hibru, “vọ kpọhọhwẹ.”
^ Hayo “ibi ekakọ.”
^ Hayo “ikuele ithethei riẹ.”
^ Evaọ Hibru, “Iwhri i bi su evaọ idhere ra.”
^ Hayo “Whọ rehọ ewoma ra ku etu họ ukpe na.”
^ Evaọ Hibru, “i bi su.”
^ Hayo “Ikiekpotọ epraprara.”
