Ilezi 50:1-23
Ole Esaf.+
50 Jihova, Ọghẹnẹ nọ o kpehru vi eghẹnẹ efa kpobi na*+ ọ ta ẹme no;O se otọakpọ na ẹdhọNo ovatha-ọre rite ukiediwo-ọre.
2 Obọ Zayọn nọ o wo erru gaga+ na Ọghẹnẹ o bi lo no ze.
3 Ọghẹnẹ mai ọ te nyaze, ọ rẹ sae fọ tou ọvo ho.+
Ebruerae e be to evaọ aro riẹ,+Yọ ofou ọwhibo ọgaga o bi fou wariẹe họ.+
4 O se idhiwu na avọ otọakpọ na ẹdhọ,+Re ọ ruẹse rehọ ahwo riẹ guẹdhọ:+
5 “Koko ahwo mẹ nọ a talamu omẹ na họ bru omẹ ze,Enọ e be rọ ẹkwoma idheidhe re ọvọ kugbe omẹ.”+
6 Idhiwu na i bi whowho ẹrẹreokie riẹ,Keme Ọghẹnẹ omariẹ họ Obruoziẹ.+ (Silah)
7 “Wha gaviezọ, O ahwo mẹ, re mẹ ta ẹme;Izrẹl, me ti se isẹri kpe owhẹ.+
Mẹ họ Ọghẹnẹ, Ọghẹnẹ ra.+
8 Orọnikọ fiki idhe ra mẹ be rọ whọku owhẹ hẹ,Hayo fiki idhe emahọ ra nọ whọ be hai dhe kẹ omẹ kẹse kẹse na ha.+
9 U du gwọlọ nọ mẹ rẹ jọ uwou ra rehọ eruẹ hẹ,Hayo jọ uwou-erao ra rehọ ewe he.*+
10 Keme erao ẹwọ na kpobi nọ e rrọ owhawho na emẹ,+Makọ erao nọ e rrọ ehru igbehru odu.
11 Mẹ riẹ ọvra kpobi nọ ọ rrọ obọ igbehru na;+Erao obọ ẹwọ nọ a rẹ sai kele mu hu na emẹ.
12 Otẹrọnọ ohọo u bi kpe omẹ, mẹ rẹ vuẹ owhẹ hẹ,Keme otọ na gbe eware kpobi nọ e rrọ eva riẹ emẹ.+
13 Kọ mẹ rẹ re uwo iruẹJẹ da azẹ ewe?+
14 Jọ uyere nọ whọ rẹ kẹ Ọghẹnẹ o jọ idhe nọ who re dhe kẹe,+Re who je ru eyaa ra gba kẹ Ọnọ Ọ Mai Kpehru na;+
15 Bo se omẹ evaọ oke uye.+
Me ti siwi owhẹ, whọ vẹ te kẹ omẹ oruaro.”+
16 Rekọ Ọghẹnẹ ọ te ta kẹ orumuomu nọ:
“Udu vẹ who wo nọ whọ rẹ rọ ta kpahe ijaje mẹ+Hayo ta ẹme kpahe ọvọ mẹ?+
17 Keme who mukpahe ọwhọkuo,*Yọ who bi kiukeku eme mẹ* ẹsikpobi.+
18 Nọ whọ tẹ ruẹ oji, whọ rẹ jẹe rehọ,*+Yọ who bi lele ibruẹnwae nya usu.
19 Whọ be rehọ unu ra vaha eme iyoma,Yọ eviẹhọ e rrọ ẹrọo ra.+
20 Whọ rẹ keria who ve mu eme iyoma họ ẹta kpahe oniọvo obọra;+Who re gu iruthọ* ọmọzae oni ra kẹ amọfa.
21 Okenọ who je ru eware nana kpobi, me fibo,Fikiere who te je roro nọ mẹ te jọ wọhọ owhẹ.
Rekọ obọnana, mẹ te whọku owhẹ,Mẹ vẹ te fodẹ eware nọ who ru thọ kẹ owhẹ.+
22 Ivie wha roro kpahe onana, whai enọ Ọghẹnẹ ọ thọrọ ẹro no,+Re mẹ gbẹ za owhai ekekẹ hẹ ababọ ohwo ọvo nọ o re siwi owhai.
23 Ohwo nọ ọ rẹ kẹ uyere wọhọ idhe riẹ nọ o bi dhe, ọ be kẹ omẹ orro,+Yọ ohwo nọ o re lele emamọ edhere kpobi,Me ti ru ei ruẹ esiwo nọ o re no obọ Ọghẹnẹ ze.”+
Eme-Obotọ
^ Hayo “Jihova Ọghẹnẹ Ologbo na.”
^ Evaọ Hibru, “rehọ ikri hi.”
^ Evaọ Hibru, “who bi gbolo eme mẹ fihọ obemu ra.”
^ Hayo “uthubro.”
^ Hayo o sae jọ nọ, “who re kuomagbei.”
^ Hayo “Whọ rẹ raha odẹ.”
