Ilezi 22:1-31
Ro se ọnọ o wuzou ile na; orọ ekporo “Orua Aye Oke nọ O Ke No.”* Ole Devidi.
22 Ọghẹnẹ mẹ, Ọghẹnẹ mẹ, fikieme whọ rọ siọ omẹ ba?+
Fikieme whọ gbẹ be gwọlọ siwi omẹ vievie he,Who gbe bi ro yo enu oviẹ nọ me bi ku fiki edada ha?+
2 Ọghẹnẹ mẹ, me bi se owhẹ esese evaọ okpẹdoke na, rekọ who bi yo kẹ omẹ hẹ;+Yọ evaọ aso me bi se unu họ họ.
3 Rekọ whẹ ọrẹri,+Yọ ujiro ahwo Izrẹl o wariẹ owhẹ họ.*
4 Whẹ esẹ mai a fievahọ;+A fievahọ owhẹ, yọ whọ jẹ hae thọ ae.+
5 Whẹ a bo se, yọ who siwi rai;A fievahọ owhẹ, yọ u kiekpe ai hi.*+
6 Rekọ mẹ yọ adha orọnikọ ohwo ho,Ọnọ ahwo a bi ro jijehwẹ,* nọ ahwo a bi rri vo.+
7 Ahwo kpobi nọ a ruẹ omẹ a bi se omẹ ẹkoko;+A bi ni inwe họ omẹ je bi nuhu uzou:+
8 “Ọ rehọ oma riẹ kẹ Jihova. Jọ Ọ thọe!
Jọ O siwi ei, keme ọ rrọ ghaghae gaga kẹe!”+
9 Whẹ họ Ọnọ ọ rehọ omẹ no edhede ze,+Ọnọ o ru oma fọ omẹ evaọ unu evie oni mẹ.
10 Whẹ a rehọ omẹ kẹ inọ ọ rẹrote omẹ* anwẹnọ a ro yẹ omẹ;Whẹ họ Ọghẹnẹ mẹ no edhede oni mẹ ze.
11 Whọ kẹnoma thabọ kẹ omẹ hẹ, keme ẹbẹbẹ o thabọ no omẹ hẹ+Yọ me wo omọfa nọ o re fiobọhọ kẹ omẹ hẹ.+
12 Iruẹ buobu e wariẹ omẹ họ;+Iruẹ egaga Beshan e wariẹ omẹ họ.+
13 A rovie unu rai fihọ kẹkẹe kẹ omẹ,+Wọhọ okpohrokpo nọ o bi do enu nọ ọ be za arao nọ o kpe ekekẹ.+
14 A ku omẹ fihọ otọ wọhọ ame;Igbenwa mẹ kpobi i no ezo rai no.
Udu mẹ o wọhọ iwhri;+O ghra no evaọ obeva mẹ.+
15 Me gbe wo ẹgba ha, mẹ wọhọ ẹwẹ-othẹ;+Ẹrọo mẹ ọ tamu iwo-akọ mẹ;+Whọ be rehọ omẹ kpohọ ẹkpẹ.+
16 Keme erakọ e wariẹ omẹ họ;+A wọ ruru omẹ wọhọ ogba irumuomu,+Wọhọ okpohrokpo, a be rowo abọ gbe awọ mẹ.+
17 Mẹ rẹ sai kele igbenwa mẹ kpobi.+
E tẹrovi omẹ bi rri omẹ ọvo.
18 A ghale iwu mẹ fihọ omoma rai,A ma ẹta fiki ewu mẹ.+
19 Rekọ owhẹ, O Jihova, whọ nya thabọ no omẹ hẹ.+
Whẹ họ ẹgba mẹ; nyaze vẹrẹ re who fiobọhọ kẹ omẹ.+
20 Siwi omẹ* no ọgbọdọ,Siwi uzuazọ oghaghae mẹ* no ikpituabọ* erakọ.+
21 Siwi omẹ no unu okpohrokpo+ je no izei igholi;Yo kẹ omẹ re who siwi omẹ.
22 Me ti whowho odẹ ra kẹ inievo mẹ;+Mẹ te jọ udevie ukoko na jiri owhẹ.+
23 Whai enọ e be dhozọ Jihova, wha jiri ei!
Whai emọ* Jekọp kpobi, wha kẹe orro!+
Jọ ọwhewhe riẹ o mu owhai, whai emọ* Izrẹl kpobi.
24 Keme o bi gbolaro kẹ ohwo nọ a bi gboja kẹ hayo jẹe fiẹ hẹ;+Ọ kuọ ovao riẹ dhere iei hi.+
Nọ o bo sei kẹ obufihọ, o yo kẹe.+
25 Me re jiri owhẹ evaọ udevie ukoko ulogbo na;+Me re ru eyaa mẹ gba evaọ iraro enọ e be dhozọ riẹ.
26 Enọ e be romakpotọ e te re, a vẹ te re eva vọ;+Enọ e be gwọlọ Jihova a ti jiri ei.+
Jọ whọ reawere uzuazọ* bẹdẹ bẹdẹ.
27 Akpọ na soso ọ te kareghẹhọ, o ve ti zihe bru Jihova.
Iviuwou erẹwho na kpobi i ti guzou kpotọ kẹ owhẹ.+
28 Keme uvie na orọ Jihova;+Ọye o bi su erẹwho na.
29 Ahwo kpobi nọ eware i woma kẹ* evaọ otọakpọ na a te re je guzou kpotọ;Enọ i bi kpohọ ẹkpẹ kpobi a ti kigwẹ fihọ aro riẹ;Ọvuọvo rai ọ sai siwi uzuazọ* riẹ hẹ.
30 Emọ rai e te* gọe;A ti gbiku Jihova kẹ oge nọ ọ be tha.
31 A te nyaze a vẹ te ta kpahe ẹrẹreokie riẹ.
A ti gbiku eware nọ o ru kẹ ahwo nọ a ri yẹ hẹ.
Eme-Obotọ
^ O sae jọ nọ onana yọ oghẹrẹ uvou ile-esuọ jọ hayo oghẹrẹ ile-ikporo jọ.
^ Hayo “Yọ agbara-uvie ra o rrọ udevie ujiro ahwo Izrẹl.”
^ Hayo “who ru oma vuọ ae he.”
^ Hayo “a be poviẹ.”
^ Evaọ Hibru, “Whẹ a gbolo omẹ kẹ.”
^ Evaọ Hibru, “ọvo mẹ na,” uzuazọ riẹ ọ be ta kpahe na.
^ Evaọ Hibru, “obọ.”
^ Evaọ Hibru, “ubi.”
^ Evaọ Hibru, “ubi.”
^ Evaọ Hibru, “Jọ udu ra o rria.”
^ Evaọ Hibru, “Enọ i fu kpobi.”
^ Evaọ Hibru, “Ubi o te.”
