Ilezi 42:1-11
Ro se ọnọ o wuzou ile na. Maskil* orọ emezae Kora.+
42 Wọhọ epanọ orua ọ rẹ gwọlọ iko-ame gaga na,Ere mẹ* gwọlọ owhẹ, O Ọghẹnẹ.
2 Wọhọ epaọ ohwo nọ uruame u bi kpe, ere mẹ* gwọlọ Ọghẹnẹ, Ọghẹnẹ nọ ọ rrọ uzuazọ na.+
Oke vẹ mẹ sae rọ nyaze re mẹ ziọ aro Ọghẹnẹ?+
3 Irui-oviẹ mẹ họ emu mẹ te aso te uvo;Ẹsikpobi* ahwo a re se omẹ ẹkoko inọ: “Ọghẹnẹ ra ọ rrọ?”+
4 Mẹ kareghẹhọ eware nana, mẹ tẹ ta eva mẹ kpobi,Keme mẹ jẹ hai kuomagbe ogbotu na nya;Mẹ jẹ hae jọ aro rai nya avọ oma urirẹ* kpobọ uwou Ọghẹnẹ,Avọ edo oghọghọ gbe uyere-okẹ,Orọ ogbotu nọ o bi ru ehaa.+
5 Emejabọ nọ mẹ* rọ rrọ ọkora?+
Emejabọ nọ ẹvohẹ nana ọ rọ rrọ obeva mẹ?
Hẹrẹ Ọghẹnẹ,+Keme me ti gbe jiri ei wọhọ Osiwi Ologbo mẹ.+
6 Ọghẹnẹ mẹ, mẹ* rrọ ọkora.+
Oyejabọ nọ mẹ rọ kareghẹhọ owhẹ,+Evaọ obọ Jọdan gbe eria nọ e mai kpehru erọ Hẹmọn,Evaọ Ugbehru Miza.*
7 Ame odidi o re bo se ame odidiNọ a te yo edo ame ra nọ o bi hwẹ na.
Ẹkporo ọgaga ra kpobi o ruru omẹ no.+
8 Evaọ uvo, Jihova o ti dhesẹ uyoyou riẹ nọ o rẹ hiẹ hẹ kẹ omẹ,Yọ evaọ aso mẹ te so ole kẹe jẹ lẹ se Ọghẹnẹ uzuazọ mẹ.+
9 Mẹ te ta kẹ Ọghẹnẹ, ugbehru-utho mẹ nọ:
“Fikieme whọ rọ kpairoro vrẹ omẹ?+
Fikieme whọ rọ kuvẹ re mẹ nya avọ ọkora fiki okienyẹ ọwegrẹ mẹ?”+
10 Ewegrẹ mẹ a be dhuaro kẹ omẹ gaga bi se omẹ ẹkoko;*Ẹsikpobi a bi se omẹ ẹkoko nọ: “Ọghẹnẹ ra ọ rrọ?”+
11 Emejabọ nọ mẹ* rọ rrọ ọkora?
Emejabọ nọ ẹvohẹ nana ọ rọ rrọ obeva mẹ?
Hẹrẹ Ọghẹnẹ,+Keme me ti gbe jiri ei wọhọ Osiwi Ologbo mẹ gbe Ọghẹnẹ mẹ.+
