Ilezi 26:1-12
Orọ Devidi.
26 Rọ omẹ guẹdhọ, O Jihova, keme me kru ẹgbakiete mẹ;*+Jihova me fievahọ, mẹ re siọ ere ba eru ẹdẹvo ho.+
2 Kiẹ omẹ riwi, O Jihova, re whọ dawo omẹ;Ru iroro mẹ nọ e mai diwi* avọ udu mẹ fo.+
3 Keme uyoyou ra nọ o rẹ hiẹ hẹ o rrọ aro mẹ ẹsikpobi,Mẹ be nya evaọ uzẹme ra.+
4 Mẹ rẹ jọ* kugbe ahwo eviẹhọ họ,+Yọ mẹ rẹ kẹnoma kẹ ahwo nọ a rẹ ko oghẹrẹ ohwo nọ a rrọ dhere.*
5 Me mukpahe utu ahwo omuomu,+Yọ mẹ se inọ me re kuomagbe* irumuomu hu.+
6 Mẹ te wozẹ abọ mẹ fo,Yọ mẹ te nya agbada-idhe ra wariẹ, O Jihova,
7 Re mẹ so ole uyere nọ ahwo a re yo+Je whowho iruo igbunu ra kpobi.
8 Jihova, uwou nọ whọ be rria o were omẹ gaga,+Oria nọ oruaro ra o rrọ na.+
9 Who hwere omẹ* kufiẹ kugbe erahaizi hi+Who kpe omẹ kugbe ahwo ozighi hi,*
10 Enọ i bi duwu abọ rai họ eware omovuọ,Nọ obọze rai o vọ avọ udi-oriọ.
11 Rekọ rọkẹ omẹ, mẹ rẹ nya evaọ ẹgbakiete mẹ.
Thọ* omẹ re who dhesẹ aruoriwo kẹ omẹ.
12 Owọ mẹ u dikihẹ otọ opraprara;+Me re jiri Jihova evaọ udevie ogbotu nọ o kokohọ na.*+
Eme-Obotọ
^ Evaọ Hibru, “mẹ nya evaọ ẹgbakiete mẹ.”
^ Hayo “iroro ididi obeva mẹ.” Evaọ Hibru, “ibieku mẹ.”
^ Evaọ Hibru, “keria.”
^ Hayo “Me re kuomagbe eviẹwẹ hẹ.”
^ Evaọ Hibru, “mẹ rẹ keria kugbe.”
^ Hayo “ahwo nọ a re kpe azẹ hẹ.”
^ Evaọ Hibru, “Ta.”
^ Hayo “ukoko ulogbo na.” Evaọ Hibru, “evaọ udevie ikokohọ.”
